Łukašenka, Kola, Čyž i Šakucin vinšujuć i padkidajuć Domračavu FOTY, VIDEA
Pieramohi, jak u biełaruskaj bijatłanistki Darji Domračavaj, lepš za ŭsiakuju dypłamatyju spryjajuć farmiravańniu pazityŭnaha imidžu krainy.
Takoje mierkavańnie vykazaŭ Alaksandr Łukašenka, jak piša aficyjnaje ahienctva BiełTA, «u čas pićcia čaju ŭ kole biełaruskich zaŭziataraŭ z uładalnicaj załatoha alimpijskaha miedala ŭ honcy pieraśledu».
«U domie kiraŭnika dziaržavy sabralisia balelščyki, členy biełaruskaj kamandy, kudy nieŭzabavie prybyła i hałoŭnaja vinoŭnica ŭračystaści».
Małodšy syn kiraŭnika dziaržavy Mikałaj padaryŭ spartsmiency bukiet kvietak. A paśla Darju padchapili na ruki i doŭha kačali, padkidajučy ŭ pavietry.
Śviatkavańnie i vinšavańni «pradoŭžylisia pozna nočču za sumiesnym pićciom čaju», piša BiełTA. A na kadrach z repartažu telekanała STV vidny i bakały vina.
Chto fihuruje na aficyjnych fotach z Sočy, akramia prezidenckaj siamji? Tut multymiljaniery Čyž i Šakucin, pravasłaŭny ajciec Fiodar Poŭny, chakiejny trenier i ŭdzielnik «kamandy prezidenta» Michaił Zacharaŭ, pamočnica prezidenta Natalla Piatkievič, a taksama šerah trenieraŭ, spartovak i inšych asobaŭ.
Sama Domračava skazała, što dla pieramohi ŭ hety dzień «syšlisia ŭsie zorki». Jana raskazała, što pierad pačatkam Alimpijady śpiecyjalna vyrašyła pabierahčy siabie, a tamu admoviłasia nieści na cyrymonii adkryćcia Dziaržaŭny ściah Respubliki Biełaruś.
«Značyć, paniasieš na zakryćci!» — zaŭvažyŭ Łukašenka.
«Makiej, MZS mohuć sychodzić u adstaŭku! Usia Rasija, niemcy, francuzy! Biełaruś, Domračava! Dziakuj! Za pieramohu!» — taki tost skazaŭ Łukašenka.
«Usie zachaplajucca francužankami, hračankami. Ale ja zaŭsiody kazaŭ: biełaruskaja žančyna — samaja pryhožaja, samaja addanaja, samaja ščyraja, samaja pracavitaja! Voś Daška siońnia heta paćvierdziła», — skazaŭ ułaśnik «Amkadora» i staršynia tenisnaj fiederacyi Alaksandr Šakucin.
«Naša kraina nievialikaja. Tvoj załaty miedal kaštuje 10 inšych miedaloŭ!» — skazaŭ protaijerej Fiodar Poŭny.
«Viadoma, hučali i tosty, i pažadańni budučych pieramoh», — piša BiełTA.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ4
Kamientary