Premija Experty.by: pieramoha niefarmatnaj muzyki

2013 hod dla biełaruskaj muzyki vydaŭsia niezvyčajnym – «metry» amal usie maŭčać, raście kolkaść fanataŭ Maksa Karža, a na pytańnie pra cikavyja albomy šarahovy słuchač moža nikoha i nie pryhadać. Adnak 2013-y staŭ hoda tryumfu toj muzyki, jakuju lubiać nazyvać «avanhardam», «niefarmatam» «andehraŭndam».

Hetuju tezu dakazała premija sajta Experty.by, badaj samaja značnaja z paŭtuzina muzyčnych premij: šeść štatnych ekśpiertaŭ, dziesiać pazaštatnych, zamiežnyja krytyki, a taksama karystalniki sajta ciaham hoda aceńvali biełaruskija relizy. U rešcie rešt 25 lutaha ŭ zali biełaruskamoŭnaj kaviarni «Ahinski» byli abvieščanyja imiony pieramožcaŭ.

Debiutam hoda, najlephym instrumientalnym albomam, a taksama albom hoda pa mierkavańni štatnych ekśpiertaŭ staŭ The Sandman prajektu Pafnutiy's Dreams.

Były trubač «Lapisa Trubiackoha» Pavieł Kuziukovič, jon ža Pafnucij Kuziukian, i jahony kvintet pajšli ŭ niečakanym kirunku – 8-trekavaja kružełka achoplivaje ceły šerah žanraŭ: tut i rok, i elektronika, i ńju-džaz, pry žadańni možna jaho možna paraŭnać z poźnimi kružełkami Majłza Devisa, ale ci varta? Skažam tak, džazavyja albomy suśvietnaha ŭzroŭniu, stvoranyja ŭ Biełarusi vychodziać nie kožny hod. Pasłuchać jaho možna tut.

Nakont najlepšaha pop-albomu sioleta varyjantaŭ być nie mahło – chto ž, kali nie Maks Korž? Darečy, upieršyniu za niekalki hod u naminacyi ŭvohule źjaviŭsia łaŭreat.

Słuchać tut.

Najlepšy fołk-albom – Traukamurauka hurtu Kriwi, tryŭmfalnaje viartańnie paśla doŭhaj paŭzy. Vieranika Kruhłova sa tavaryšy nadała muzycy Kriwi vyraznaje internacyjanalnaje adcieńnie, zachavaŭšy pry hetym biełaruskuju aŭtentyku. Jak takoje mahčyma, možna daviedacca tut

Jašče adna važnaja ŭznaharoda – najlepšy biełaruskamoŭny albom – dastałasia hurtu BosaeSonca za albom «Adpuści» — jon akustyčny, hučyć aktualna i cikava. Paznajomicca možna tut. Ciapier kamandu čakaje vialiki kancert, ź infarmacyjnaj padtrymkaj ad kampanii «Budźma».

Što tyčycca «najlepšaha alboma», to jon sioleta ŭručaŭsia ŭ piaci roznych varyjantach – štatnyja ekśpierty nazvali najlepšaj kružełku Kuziukoviča, narodnaje žury prahałasavała za hurt The UNB i jahony, strašna skazać jaki pa liku albom «Krot-front», a zamiežnyja ekśpierty acanili pracu homielskaha elektronščyka (((O))) z albomam Forever I Am.

Adnak sapraŭdnym tryumfataram premii staŭ minski avanhardyst spadčynny kampazitar Siarhiej Pukst i jahony hurt Pukstband. «Apošni albom»hurtu byŭ adznačany jak najlepšy rok-albom, najlepšy albom pa mierkavańni vialikaha žury, nu i jak «Najlepšy albom hoda». Muzyka Puksta heta nie radyjofarmat, adnak elektryčnyja kancerty jahonaha hurtu – zaŭždy padzieja, na jakoj varta być: bolšaj enierhietyki i drajvu pry ŭsioj składannaści muzyki i ŭjavić ciažka. Tym bolš prahrama, zapisanaja na albomie daŭno znajomaja słuchačam – ciapier jaje možna pačuć u luby momant, chacia b voś tut. «Atłant-telekam» taksama padtrymaje vialiki kancert Siarhieja Puksta: mierapryjemstva adbudziecca ciaham troch miesiacaŭ.

• 0
• 0
• 0
• 0
• 0
• 0
• 0
• 0