Tok-šou 1 krasavika – treciaje ŭ sieryi viesnavoha cykłu dyskusij ad kampanii «Budźma biełarusami!» pa vyśviatleńni stasunkaŭ z kulturaj. Hetym razam na čystuju vadu buduć vyvodzicca ŭzajemaadnosiny pamiž… biznesam i mastactvam.
Mastactva i biznes – samyja značnyja sposaby samavyjaŭleńnia čałavieka. Jany mohuć zadziejničać čałaviečyja resursy samym nievierahodnym čynam.
U mnohich jeŭrapiejskich krainach supraca biznesu i kulturnaha siektara – sprava ŭžo zvykłaja i prynosić vidavočnuju karyść i adnym, i druhim. Prymajucca zakony, dziakujučy jakim dziaržava pierakładaje častku svaich kłopataŭ pra kulturu na plečy biznesu.
U Biełarusi situacyja inšaja. Z adnaho boku, dziaržava z roznych pryčynaŭ nie nadaje naležnaj uvahi kulturnickaj śfiery. Biznes ža najčaściej usprymaje «kulturu» jak pabirachu, a «kultura» hladzić na biznes vyklučna jak na «kašalok». Kamunikacyjnaja prablema vidavočnaja. Što jašče pieraškadžaje supracy pamiž biznesam i mastackimi kołami i «padsiłkoŭvaje» roźnicu ŭ myśleńni pradstaŭnikoŭ nazvanych śfieraŭ?
Pasprabujem pabudavać kamunikacyjnyja «masty» razam!
Ciaham tok-šou my składziem supolny «słoŭnik-pieramoŭnik» pamiž biznesam i mastactvam, nadajučy asablivuju ŭvahu nastupnym pytańniam:
- Što daje padtrymka kulturnickaha prajekta biznes-kampanii?
- Dzie i jak šukać kampaniju-sponsara? Jaki kulturnicki prajekt moža «začapić» biznes?
- Ci musić «prahinacca» aŭtar prajekta pad patrabavańni/žadańni sponsara?
- Jakoje miesca marali ŭ padbory brenda-partniora?
- Doŭhaterminovaje partniorstva pamiž biznesam i mastactvam realnaje?
Ekśpiertami vystupiać kulturołahi, kulturnickija mieniedžary, pradziusary, biznesoŭcy.
Maderatar: Usievaład Ścieburaka, paet, prazaik, šoŭmen.
Kreatyŭnaja prastora «CECH», prasp. Niezaležnaści, 58, k.6 (prachod praz vuł. P.Broŭki), dalni padjezd, 2 pavierch.
Uvachod volny.
Zaprašajucca ŭsie cikaŭnyja i nieabyjakavyja!
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary