U Minsku startavała siamiejnaja fotavystava «Tysiačy adkryćciaŭ». Meta vystavy — umacoŭvać i prasoŭvać siamiejnyja kaštoŭnaści, farmiravać u navakolnych razumieńnie važnaści siamji ŭ žyćci kožnaha čałavieka.
Arhanizatarami vystavy «Tysiačy adkryćcio» vystupili Fond AAN u halinie narodanasielnictva, Hrupa kampanij «Alutech», «Śviatočnaje Biuro Łarysy Hrybalovaj» i biełaruski siamiejny partał rebenok.by.
«U Biełarusi naličvajecca bolš za 2 691 tysiačy siemjaŭ. Siamiejnymi adnosinami źviazanyja bolš za 8 miljonaŭ čałaviek, abo 86% nasielnictva krainy. U kožnaj siamji svaja ŭnikalnaja historyja. U adnoj siamji mužčyna ci žančyna biez partniora vychoŭvaje dziaciej, u inšaj ličać nie pryncypovaj aficyjnuju rehistracyju adnosin, u kahości adno dzicia, a ŭ kahości try. Kožny robić svoj vybar, a my, u svaju čarhu, pavinny padtrymlivać usie typy siemjaŭ, padajučy mahčymaść raźvivacca kožnamu. Naš prajekt nakiravany na toje, kab jašče raz nahadać usim, jak važna, niezaležna ad taho, vialikaja ci maleńkaja ŭ vas siamja, pravodzić čas razam. My spadziajemsia, što prykład hierojaŭ našaj vystavy matyvuje biełarusaŭ šukać jašče bolš cikavych padstaŭ dla sustreč i śviataŭ», — padzialiŭsia na adkryćci vystavy pradstaŭnik AAN/JUNFPA Sanaka Samarasincha.
Hieroi vystavy — biełaruskija siemji, jakija raspaviali arhanizataram ab samych ščaślivych momantach siamiejnaha žyćcia. Svaimi unikalnymi historyjami padzialiłasia kala 70 siemjaŭ. Dla aŭtaraŭ 30 najlepšych (pa mierkavańni arhanizataraŭ) historyj u padarunak byli arhanizavany prafiesijnyja fotasiesii, dziakujučy jakim jany zmahli jašče raz pieražyć apisanyja ŭ konkursnym apoviedzie emocyi.
Łarysa Hrybalova, dyrektar Śviatočnaha biuro, adznačyła, što biełarusy ŭsio bolš stanoviacca zacikaŭlenymi ŭ niestandartnym baŭleńni času ŭsioj siamji: «Siarod takoj vialikaj kolkaści raspoviedaŭ najbolš papularnaj apynułasia tema aktyŭnaha adpačynku na pryrodzie: ad piknika da siamiejnych spartakijad. Važna, što baćki, niahledziačy na chutki rytm žyćcia, ŭsio bolš imknucca stvarać umovy dla aktyŭnaha adpačynku svaich dziaciej, adciahvajučysia ad pracoŭnych kłopataŭ».
Pra važnaść siamiejnaha adpačynku i padtrymki siamiejnych kaštoŭnaściaŭ u biełaruskich arhanizacyjach raspavioŭ Uładzimir Rybakoŭ, dyrektar pa markietynhu HK «Alutech».
— Kažučy pra svaju sistemu kaštoŭnaściaŭ, našy supracoŭniki na pieršaje miesca staviać siamju. My heta razumiejem, bo mienavita padtrymka siamji daje toj mahutny impuls, jaki dazvalaje ruchacca dalej, dasiahać novych viaršyniaŭ i davać rady lubym niestandartnym situacyjam. Mienavita tamu my arhanizujem dla rabotnikaŭ kampanii ekskursii, adpačynak na pryrodzie, hulni ŭ łaziertah i piejntboł i inšyja mierapryjemstvy, u jakich jany ŭdzielničajuć razam ź siemjami.
Vystava budzie doŭžycca da 1 kastryčnika 2014 hoda. Fotazdymki prajekta «Tysiačy adkryćciaŭ» možna budzie pahladzieć na hałoŭnaj alei Parku Horkaha.
Kamientary