Armija abarony Izraila abviaściła pra poŭny vyvad suchaputnych vojskaŭ z terytoryi siektara Haza, a taksama pra zaviaršeńnie likvidacyi tunelaŭ, praź jakija bajeviki paleścinskaj hrupoŭki CHAMAS ažyćciaŭlali rejdy za miežy Paleściny.
«Izrailskaja armija budzie pieradysłakavana i zojmie abaronu za miežami siektara Haza, my zamacujemsia na hetych pazicyjach», — zajaviŭ hienierał-lejtenant Piter Lernier haziecie Jerusalem Post.
Rašeńnie pra vyvad vojskaŭ armii abarony Izrailu było pryniata paśla taho, jak byŭ źniščany apošni tunel, jaki viadzie ŭ Izrail z terytoryi siektara Haza. Likvidacyja tunelaŭ i była hałoŭnaj metaj apieracyi, jakaja pravodzicca ŭžo 29 dzień.
Raniej bajeviki CHAMAS pryniali prapanovu Jehipta i pahadzilisia na 72-hadzinnaje pieramirje ź Izrailem, jakoje ŭstupiła ŭ siłu z vaśmi ranicy pavodle miascovaha času.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary