Amierykanskija niejrapsichołahi pryjšli da niesuciašalnaj vysnovy: arhanizm čałavieka pačynaje stareć u 39 hadoŭ, a nie ŭ 50, jak ličyłasia raniej.
Hrupa dobraachvotnikaŭ roznaha ŭzrostu prajšła poŭnuju dyjahnostyku arhanizma, a taksama niejrapsichičnyja testy. Vyniki pakazali, što miaža pamiž maładym i stariučym arhanizmam adpaviadaje pieryjadu 38-40 hadoŭ. Heta dazvoliła zrabić vysnovu, što ŭ 39 hadoŭ dla čałavieka nadychodzić stały ŭzrost.
Kala 39 hadoŭ pačynajecca zhasańnie razumovych zdolnaściaŭ i ŭźnikajuć parušeńni aporna-ruchalnych funkcyj. Ludzi pačynajuć skardzicca na drennuju pamiać, parušeńnie kancentracyi ŭvahi, prablemy z sardečna-sasudzistaj sistemaj.
Navukoŭcy adznačajuć, što stareńnie arhanizma źviazana sa źnižeńniem psichafizičnaj aktyŭnaści. Z časam u arhaniźmie čałavieka ŭsio mienš vypracoŭvajecca mialin, jaki adkazvaje za zachavańnie niervovych kletak ad škodnasnaha ŭździejańnia. Pry hetym, na dumku navukoŭcaŭ, ni poł, ni vaha, ni ład žyćcia čałavieka asabliva nie ŭpłyvajuć na toje, kali zapuścicca praces stareńnia. Stupień vypracoŭki mialinu daśledčyki ličać značna bolš važnym faktaram.
Kamientary