Upłyvovaje rasiejskaje radyjo hadzinu viaščała pa-biełarusku
«Biełaruskuju hadzinu» ŭ ramkach načnoha šoŭ praviała žurnalistka, jakaja vyrasła ŭ Biełarusi
«Echo Moskvy», samaje papularnaje rasiejskaje razmoŭnaje radyjo, u noč ź piatnicy na subotu cełuju hadzinu viaščała na biełaruskaj movie. «Biełaruskuju hadzinu» ŭ ramkach načnoha šoŭ praviała žurnalistka Alina Hrabniova, jakaja vyrasła ŭ Biełarusi. U prahramie hučała biełaruskaja muzyka, słuchačy i viadučaja abmiarkoŭvali pytańni sankcyj suprać Rasiei, biełaruskaje i rasiejskaje palityki.
U inicyjatyvie «Echa» spačatku adčuvałasia peŭnaja žartavaść, maŭlaŭ, vyrašyli «pa prykołu» pravieści hadzinu etera na «prykolnaj» biełaruskaj movie. Ale ŭžo ź pieršych chvilinaŭ «prykolnaść» imkliva pierarasła ŭ ščyraść i pazytyŭ. Telefanavali (a treciaj hadzinie nočy!) i biełarusy, i rasiejcy, jakija ź Biełarusi źjechali tryccać hadoŭ tamu i jakija movu vyvučali tolki ŭ škole, usie radavalisia. Radyjoviadučaja rabiła pamyłki, kulhała z vymaŭleńniem, ale čym dalej, tym havaryła bolš upeŭniena.
Popyt na biełaruskuju movu jość i zaŭždy budzie, navat u Maskvie,
nia kažučy navat pra ŭščent zrusifikavanuju sučasnuju Biełaruś. Nie abaviazkova adrazu pieravodzić na biełaruskuju movu vykładańnie jadravaj fizyki ci mikrabijalohii, ale dla jaje absalutna vidavočna jość nišy i jość popyt pa-za miežami jakichś filalohii i etnahrafii. Dziŭna, što biełaruskija ŭłady hetaha nie razumiejuć i nia mohuć zrabić chacia b adzin z svaich piaci ci kolki tam ahulnanacyjanalnych telekanałaŭ całkam biełaruskamoŭnym (jak heta było b, kali b u Biełarusi było sapraŭdnaje raŭnapraŭnaje dźviuchmoŭje).
Sami ž padumajcie, jakaja hańba: u śviecie jość tolki adzin biełaruskamoŭny telekanał - i toj finansujecca ŭradam Polščy.
Pasłuchać biełaruskuju movu ŭ etery «Echa Moskvy» možna tut (słuchać z hadziny 2:00): http://echo.msk.ru/sounds/1406788.html
Ciapier čytajuć
Połk Kalinoŭskaha paviedamiŭ pra hibiel troch bajcoŭ3
Kamientary