Ispanskija ŭłady zabili sabaku chvoraj na Ebołu, abaroncy žyviołaŭ burna pratestavali
Kab hicli mahli trapić u budynak, darohu pryjšłosia rasčyščać palicyi.
Pytańnie humannaści i pieraściarohi: usyplać sabaku chvoraj na Ebołu ci pačakać.
Ułady vyrašyli, što žyviołu treba likvidavać, kab źmienšyć ryzyku pieranosu infiekcyi. U pryncypie, sabaka moh zarazicca, i infiekcyja moža pieradavacca ad jaho ludziam. Choć paćvierdžańniaŭ taho, što Eboła pieradajecca praz sabak, na siońnia niama.
Abaroncy žyviołaŭ patrabavali, kab da sabaki była ŭžytaja «prezumpcyja niezaražanaści» i, pakul niama simptomaŭ chvaroby, jaho pakinuli ŭ žyvych.
Miedsiastra Teresa Ramera zaraziłasia Ebołaj, kali hladzieła chvoraha śviatara, jakoha dastavili na radzimu sa Śjera-Leone, dzie jon pracavaŭ u balnicy.
25 vieraśnia jon pamior, 30 vieraśnia Teresa zachvareła.
Dla Jeŭropy to byŭ šok. Daktary mierkavali, što strohaja sistema hihijeny zaścierahaje miedpiersanał ad zaražeńnia. Daktary i sanitary pracavali ŭ śpiecyjalnych kambiniezonach. Tym nie mienš, zaražeńnie adbyłosia.
Chaŭjer Limon, muž Teresy, źmieščany ŭ karancin. Dziaciej u pary niama, zatoje byŭ 12-hadovy sabaka-dvarniaha pa mianušcy Ekskalibur. Pierad adjezdam u špital muž pakinuŭ jamu jeminy i vady.
Zakon nijak nie abumoŭlivaje, što rabić z žyviołami ŭ takim vypadku. Ale Eboła — heta čuma našaha času, śmiarotna niebiaśpiečnaja chvaroba, adŭ jakoj pałova chvorych pamiraje ŭ strašnych pakutach. Tamu sanitarnyja ŭłady Ispanii vyrašyli pierastrachavacca. Sud padtrymaŭ ich rašeńnie.
Ale pierad šmatpaviarchovikam, dzie žyła para, na zaklik spadara Limona sabraŭsia nievialiki natoŭp aktyvistaŭ ruchu za abaronu pravoŭ žyvioły.
U aŭtorak jany nie dapuścili hiclaŭ u budynak. U sieradu darohu praz 50 siadziačych aktyvistaŭ rasčyściła palicyja.
«Jon žyvy!» — zakryčali ludzi, kali praz peŭny čas sabaka vyjšaŭ na terasu kvatery.
Adnak praz paru hadzinu ad budynku adjechaŭ bus sansłužby. Ludzi pačali skandavać «Zabojcy!» «Assassin! Assassin!»
Aktyvisty skarystali situacyju z sabakam, kab abrynuć łavinu krytyku na palityčny kłas krainy.
Miascovyja ŭłady abvieścili, što sabaku ŭsypili, zabili, a paśla trup budzie spaleny. Što było b, kali b infiekcyja ad jaho pieradałasia ludziam, dzieciam, pytajucca jany?
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary