Dla budučaj zabudovy ŭ Minsku zabiaruć kala 5 tysiač hiektaraŭ ziamli ŭ pryharadach
U Minsku płanujuć dalejšaje raźvićcio horada za košt prylehłych terytoryj. Pavodle prajekta novaha hienpłana, da 2050 hoda dla zabieśpiačeńnia žycharoŭ žyllom (kala 35 kvadratnych mietraŭ na čałavieka) spatrebicca prykładna 4,7 tysiačy hiektaraŭ ziamli ŭ Minskim rajonie. Pra heta raskazaŭ kiraŭnik raspracoŭki prajekta hienpłana, hałoŭny architektar UP «Minskhrada» Alaksandr Akienćjeŭ.
Hetyja terytoryi buduć asvojvacca pa madeli tak zvanych zialonych klinoŭ — z zachavańniem pryrody i sielskahaspadarčych ziemlaŭ vakoł stalicy. Dla budučaj zabudovy ŭžo zareziervavali ŭčastki ŭ Dziehciaroŭcy, Ščomyślicy, Sienicy, Jelnicy, Kałodziščach i Cnie.
Pry hetym u centry Minska i ŭzdoŭž hałoŭnych praśpiektaŭ płanujuć raźvivać bolš ščylnuju zabudovu. Heta źviazana z tym, što ziamla ŭ centry samaja kaštoŭnaja, tamu jaje imknucca vykarystoŭvać maksimalna efiektyŭna — dla biznesu, turyzmu i haradskoj infrastruktury.
Častku pryvatnaj zabudovy ŭ takich zonach mohuć znosić, kali heta nieabchodna dla raźvićcia daroh, kamunikacyj abo inšych abjektaŭ. Adnak masavaha znosu, jak heta było raniej, užo nie čakajecca — ciapier razhladajuć i varyjanty rekanstrukcyi z pavieličeńniem ščylnaści.
Taksama adznačajecca, što budaŭnictva mietro budzie stymulavać raźvićcio novych rajonaŭ i pryciahvać inviestaraŭ, bo istotna pavyšaje košt ziamli.
U cełym ułady, jak zajaŭlajecca, chočuć raźvivać Minsk tak, kab sumiaścić rost horada, ekanamičnuju efiektyŭnaść i zachavańnie navakolnaha asiarodździa.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary