U siecivie virusiacca foty roznakalarovaha Miesiaca. Jon sapraŭdy taki?
Pa internecie raźlacielisia foty Miesiaca, dzie spadarožnik Ziamli źziaje roznymi kolerami, nibyta bryljant. Niekatoryja iduć jašče dalej i kažuć, što tyja foty zrabili astranaŭty z «Artemidy-2».
Zdymki roznakalarovaha Miesiaca zavirusilisia ŭ siecivie. U sacsietkach abmiarkoŭvajuć ich, nibyta heta novaje adkryćcio. Voś što pišuć karystalniki Threads:
«Vy bačyli hetuju pryhažość? Akazvajecca, Miesiac — kalarovy!»
«Sotni hadoŭ ludzi dumali, što heta prosta šery kruhlak na niebie. A akazałasia, što jon roznakalarovy!»
«Navat Miesiac roznakalarovy, a panelki ŭ Biełarusi ŭsio takija ž šeryja».
Niekatoryja karystalniki prypisvajuć tyja foty astranaŭtam z «Aryjona».
Pierš za ŭsio, hetyja zdymki nie majuć nijakaha dačynieńnia da «Artemidy-2», i vy nie znojdziecie ich ni na adnym z resursaŭ, dzie NASA vykładajuć foty z «Aryjona». Zatoje i hetyja foty, i šmat inšych padobnych zdymkaŭ jość na staroncy Ildara Ibatulina, fatohrafa z Kijeva. Tyja samyja virusnyja zdymki Ildar vykłaŭ u instahram u žniŭni 2025-ha.
Pad svaimi pastami Ildar tłumačyć, jak u jaho atrymlivajucca takija foty:
«Padčas apracoŭki ja naŭmysna ŭzmacniŭ jaskravaść Miesiaca, kab pakazać minieralny skład jaho pavierchni. Aranžavyja adcieńni ŭkazvajuć na žalezanosnyja minierały, a sinija adcieńni adpaviadajuć bahatym na tytan rehijonam na pavierchni».
Kali praściej, na Miesiacy jość zaležy minierałaŭ, i ich kolery nasamreč trochi adroźnivajucca ad šeraha koleru miesiacovaj pavierchni. Ale ž taja roźnica takaja małaja, što jaje na ŭłasnyja vočy vielmi ciažka ŭbačyć. Tamu, kab zrabić jarkija zdymki Miesiaca, Ibatulinu davodzicca ŭzmacniać da maksimumu słabyja kolery jaho pavierchni.
Sapraŭdny ž Miesiac dla čałaviečaha voka vyhladaje šerym — takim, jak jaho zaśniali astranaŭty z «Artemidy-2:
«Naša Niva» — bastyjon biełaruščyny
PADTRYMAĆCiapier čytajuć
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary