Za dalar pa stanie na 11.00 maskoŭskaha času davali ŭžo 48,64 rubla, abo na dva rubli bolš, čym pry zakryćci tarhoŭ napiaredadni, a za jeŭra — 60,22 rubli. Heta ŭžo nie źviazana ni z kursam nafty, ni z kryminalnaj spravaj, zaviedzienaj u ZŠA na Cimčanku, siabra Pucina pa Pieciarburhu, jaki za čas jahonaha prezidenctva staŭ naftatrejdaram i multymiljarderam. Heta prosta panika.
7 listapada, u dzień, kali Biełaruś śviatkuje dzień Kastryčnickaj revalucyi, u Rasii jon pracoŭny, rasijski biržavy indeks RTS apuściŭsia nižej za 1000 punktaŭ — minimum z kryzisnaha 2009 hoda.
A rasijskaja valuta ŭžo treci dzień zapar abnaŭlaje histaryčnyja minimumy.
Z pačatku hoda dołar padaražeŭ ŭžo na 43%.
Apošnija skoki vyklikanyja šokam ad źmieny palityki Centrabanka, kanstatujuć ekanamisty.
Centrabank Rasii vyrašyŭ istotna źmienšyć valutnyja interviencyi, paśla taho jak vydatkavaŭ na ich za kastryčnik 29 młrd dalaraŭ, i heta źniziła zołatavalutnyja zapasy Rasii da najnižejšaha za piać hadoŭ uzroŭniu.
Čamu YouTube vydaliŭ kanały BiełTA, STB i ANT? Voś što viadoma11
Kamientary