Strałkoŭ: U Krymie ŭsio zrabili «zialonyja čałaviečki», a miascovyja žychary byli na padtancoŭkach
«Na Danbasie ja sustreŭ bolš ludziej, hatovych ŭstać za Rasieju, za ruskuju ideju, za ruski narod, čym heta było ŭ Krymie, — raspavioŭ Ihar Strałkoŭ ŭ intervju radyjostancyi «Havoryć Maskva». — Z adnoj choć by pryčyny — u Krymu ŭsio zrabili «zialonyja čałaviečki». I miascovyja žychary byli, kali možna tak vykazacca, na padtancoŭkach».
Strałkoŭ pryznaŭ, što ciapier u Danbasie panuje chaos, rehijon kantralujecca palavymi kamandzirami, mnohija ź jakich vajujuć pamiž saboj.
«Jak ja ŭžo kazaŭ, my [u Danbasie] raźličvali na toje, što budzie paŭtorany krymski scenar, adpaviedna. Adpaviedna, situacyja, jakaja tam skłałasia, trajbalizm, niejkija plemiannyja farmiravańni, heta ŭsio nastupstva taho, što nie apraŭdalisia čakańni. Nie apraŭdalisia čakańni narodu. Naturalna, u hetaj situacyi, tym bolš situacyja vielmi ciažkaja, vyklučna ciažkaja ŭ humanitarnym płanie, dy i ŭ vajennym taksama nialohkaja, jany, naturalna, šukajuć sposab vyžyvańnia».
Strałkoŭ zaklikaŭ Rasieju adkryta i masiravana ŭvieści vojski va Ukrainu.
«I pytańnie pra achviaraŭ nie ihraje roli, bo achviaraŭ budzie bolš, bolš, bolš i bolš, kolkaść achviar budzie ŭzrastać, kolkaść razbureńniaŭ budzie ŭzrastać, vajna budzie praciahvacca, jak by hetaha ni staralisia zamaŭčać», — skazaŭ Strałkoŭ.
Heta značyć, Rasieja pavinna ŭvajści vajskovaj siłaj? — pierapytaŭ jaho viadučy Darenka.
«Ja ŭpeŭnieny, što heta adzinaje vyjście», — adkazaŭ Strałkoŭ.
Kamientary