3 śniežnia. 18.30. IMAGURU (Fabrycyusa, 4).
Mižnarodny kansorcyum «JeŭraBiełaruś», Latučy univiersitiet i «Biełarusskij žurnał» zaprašajuć na adkrytuju lekcyju viadomaha biełaruskaha błohiera Viktara Mališeŭskaha«Nievynosnaja lohkaść nyćcia».
Viktar Mališeŭski. Fota Jury Siduna, generation.by
Dziaržaŭnyja ŚMI imknucca stvarać vobraz krainy, u jakoj chočacca žyć (atrymlivać asałodu ad stabilnaści, «Słavianskaha bazaru» i pieramohaŭ biełaruskaj pramysłovaści). «Chaču žyć u toj Biełarusi, jakuju pakazvajuć pa BT» - kaža papularny biełaruski aniekdot. A ci choča chto-niebudź žyć u krainie, vobraz jakoj malujuć niezaležnyja ŚMI? Hibiejučaje pad hniotam dyktatury hramadstva, jakoje nie viedaje svajoj historyi i kultury, poŭnaja «razrucha ŭ hałavach i prybiralniach» … Kraina, jakuju treba škadavać. Ź jakoj chočacca biehčy.
Z čaho pačynajecca sapraŭdnaja žurnalistyka, jak i čamu farmujecca mienavita taki vobraz Biełarusi ŭ niezaležnych miedyjach i što jon u bolšaj stupieni «adlustroŭvaje»? Isnujučuju rečaisnaść? Ustanoŭki i kvalifikacyju žurnalistaŭ i redaktaraŭ? Ahulny stan i nastroi «demakratyčna aryjentavanaj supolnaści»? Nad hetymi pytańniami razvažaje ŭ svajoj lekcyi Viktar Mališeŭski.
Adkrytaja lekcyja Viktara Mališeŭskaha «Nievynosnaja lohkaść nyćcia« adbudziecca 3 śniežnia (sierada) u biznes-kłubie IMAGURU (Minsk, vuł.Fabrycyusa, 4, rajon st.mietro «Instytut kultury»).
Na sajcie Latučaha univiersiteta možna budzie dałučycca da anłajn-tranślacyi lekcyi.
Pačatak u 18.30. Uvachod volny!
Mierapryjemstva projdzie ŭ miežach cykła adkrytych lekcyj «Hałoŭnaje pytańnie», pieršaja častka jakoha była praviedziena ŭ vieraśni-kastryčniku hetaha hoda. Kali ŭ «pieršym siezonie» pra «hałoŭnyja pytańni» razvažali členy kalehiuma Latučaha univiersiteta — intelektuały, navukoŭcy, daśledčyki, to ŭ heta raz my zaprasili da ŭdziełu pradstaŭnikoŭ adnoj z samych dynamičnych i prablemnych śfier sučasnaści — śfiery miedyja, srodkaŭ masavaj infarmacyi i kamunikacyi.
Zapis pieršaj lekcyi, pračytanaj u miežach «druhoha siezona», možna pahladzieć tut: Paŭluk Bykoŭski «Źmieny madelaŭ miedyjaspažyvańnia i vykliki tradycyjnaj žurnalistycy». Z zapisami i dyskusijami pieršaj sieryi cykła možna aznajomicca na sajcie Latučaha ŭniviersiteta.
Ciapier čytajuć
Kab nie płacić padatak na sabak, minčuki pačali zdavać ich u punkty adłovu2
Kamientary