Udzień sajty Tut.by i Onliner.by niejki čas byli niedastupnyja, «Chartyja» i «Partyzan» zabłakavanyja
Udzień 19 śniežnia ŭ Biełarusi pačalisia prablemy z dostupam da papularnych internet-resursaŭ.
Miarkujučy pa ŭsim, prablemy Tut.by i Onliner.by vyklikanyja cikaŭnaściu karystalnikaŭ ci prablemami ŭ data-centry.
«My prylehli krychu… Chutka zapracujem, nie panikujcie!», — tvicić Tut.by.
«Na žal, my možam pakazvać vam zaraz tolki hałoŭnuju staronku, i toje praz raz», — piša ŭ svaim tvitary Onliner.by.
Prablemy inšaha charaktaru ŭ sajta Charter97.org.
«Biełtelekam zabłakavaŭ sajt Chartyi», – takaja navina źjaviłasia na sajcie. Ale ź Biełarusi jaje možna pabačyć tolki z dapamohaj ananimajziera (naprykład, cameleo.ru).
Sihnały dachodziać da Tut.by i Onliner.by, ale sihnały da «Chartyi» spyniajucca na sietcy «Biełtelekama» Belpak.
Padobna na toje, što zabłakavany i sajt belaruspartisan.org. «Biełaruski partyzan» niedasiažny ź Biełarusi naŭprost (sihnał abryvajecca tam ža), ale dasiažny praz ananimajziery.
* * *
Sajt «Našaj Nivy» NN.BY pracuje ź vialikimi pierahruzkami ŭ suviazi z rezkim rostam naviedvańniaŭ. My byli vymušanyja adklučyć usie rekłamnyja baniery, kab Vy mahli lahčej adkryvać sajt.
Nie vyklučana, što sajtu na niejki čas pryjdziecca pierajści ŭ režym PDA-viersii.
U vypadku poŭnaha spynieńnia dostupu da NN sačycie za stužkaj navin NN.BY Ukantakcie, Fejsbuku i Tvitary: https://vk.com/nasa_niva, facebook.com/Naša Niva, https://twitter.com/nasa_niva.
Kali łaska, vyniesicie hetyja staronki sabie ŭ zakładki.
U vypadku fors-mažornaha raźvićcia situacyi ab dalejšych krokach budzie paviedamlacca praz stužki navin NN Ukantakcie, FB i Tvitary, a taksama na pryvatnych staronkach redaktaraŭ NN.
* * *
Kab pravieryć, ci tolki ŭ vas, ci pa ŭsim śviecie nie pracuje sajt, možna skarystacca prostym siervisam downforeveryoneorjustme.com. Kali na zapyt jon adkaža «It's just you. *** is up», vierahodna, što prablemy z vašaha boku, boku pravajdera albo boku «Biełtelekam».
Ciapier čytajuć
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary