Konkurs vykanaŭcaŭ biełaruskich narodnych tancaŭ «MIACIELICA - 2015» adbudziecca 8 lutaha 2015 h. ŭ Minskim pałacy dziaciej i moładzi (Staravilenki trakt, 41, Marmurovaja zała). Pačatak ab 11-j. Usie hledačy zmohuć dałučycca da ahulnych tancaŭ padčas paŭz i pierapynkaŭ u spabornictvach.
Tvorčyja spabornictvy tancavalnych par adbuducca ŭ troch uzrostavych hrupach: junackaj ad 15 hadoŭ, darosłaj ad 21 hodu i starejšaj ad 51 hodu, pa prahramie z 20 samych viadomych i aryhinalnych biełaruskich tancaŭ. Konkurs składajecca ź I i II tura (z 11.00), finała i konkursa salistaŭ (z 15.00). U konkursie biaruć udzieł tancavalnyja pary z roznych rehijonaŭ Biełarusi. Vystupleńni kankursantaŭ supravadžajuć instrumientalnyja ansambli narodnaj muzyki.
Mety konkursu — adnaŭleńnie, zachavańnie, padtrymka, i papularyzacyja biełaruskaj narodnaj tancavalnaj kultury siarod moładzi i darosłych, stvareńnie ŭmovaŭ dla pierajmańnia ŭzoraŭ tradycyjnaha tanca ad nośbitaŭ mastackich tradycyj starejšaha ŭzrostu.
Konkurs biełaruskich tancaŭ «MIACIELICA» praciahvaje tradycyi Respublikanskaha fiestyvalu falkłornaha mastactva «Bierahinia» i ŭžo druhi raz pravodzicca ŭ stalicy. Kiraŭnik konkursnych prajektaŭ Mikałaj Kozienka — niastomny daśledčyk aŭtentyčnaha biełaruskaha tanca, łaŭreat śpiecyjalnaj premii Prezidenta Respubliki Biełaruś dziejačam kultury i mastactva. Arhanizatary sioletniaj «Miacielicy»– Škoła tradycyjnaha mastactva hurta «Guda» supolna ź Biełaruskim fondam kultury i Minskim dziaržaŭnym Pałacam dziaciej i moładzi. Imprezu padtrymlivaje restaran biełaruskaj kuchni «Kamianica» i kafe «Ahinski».
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie6
Kamientary