«Jon navat u Žodzinskaj turmie viešaŭ Pahoniu». Eduard Palčys prosić padtrymać Kiryła Kazieja
«Razumieju, što vy, mahčyma, stamilisia ad roznych zboraŭ na patreby roznych biełarusaŭ. Ale pramaŭčać nie mahu», — piša ŭ fejsbuku były palitviazień Eduard Palčys, prosiačy padtrymać u biadzie inšaha byłoha palitviaźnia — Kiryła Kazieja.
«Kirył Kaziej — adzin z najlepšych i samych pryncypovych ludziej, ź jakimi ja asabista pierasiakaŭsia padčas źniavoleńnia. Ja pravioŭ ź im tolki 3 tydni, ale zapomniŭ na ŭsie žyćcie.
Pamiataju, jak u žodzinskaj turmie jon nasupierak administracyi viešaŭ vyjavu «Pahoni» to ŭ kamiery, to ŭ dvoryku dla špacyru.I tak stałasia, što nas razam vyzvalali 19 sakavika [2026-ha].
U Biełarusi Kirył byŭ biznesoŭcam z usimi atrybutami — kvatera, darahoje aŭto, dachodnaja sprava. A zaraz jaho całkam abnulili i ŭsio treba pačynać z nula, bo biez pašpartu dziejnaść vieści pakul ciažkavata (jak i dla bolšaści vyzvalenych).
Kirył mužny i mocny čałaviek, u jakoha rana ci pozna ŭsie pavinna atrymacca. Tamu prašu vas padtrymać jaho na samym ciažkim etapie volnaha žyćcia», — piša Eduard Palčys.
A paśla dadaje:
«Kali kamuści patrebien čałaviek, jaki raźbirajecca ŭ prodažach i ŭmieje pracavać u kamandzie, źviartajciesia da Kiryła z prapanovami. Ja b z takimi, jak jon, i na vajnu pajšoŭ by».
Padtrymać Kiryła Kazieja možna pa spasyłcy.
A niadaŭna jon sam raskazaŭ historyju svajho źniavoleńnia i vyzvaleńnia.
«Nas pravodzili ŭsie Kaladzičy». Kirył Kaziej raskazaŭ pra vydvareńnie z krainy ŭ apošniaj partyi palitviaźniaŭ
Piensijaniery, aktyvisty, šmatdzietnyja baćki: chto trapiŭ u śpis z 250 pamiłavanych palitviaźniaŭ
Śpis palitviaźniaŭ, vyzvalenych 19 sakavika — i departavanych, i tych, chto zastajecca ŭ Biełarusi
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ
Ciapier čytajuć
Rasijskaja błohierka-miljońnica, jakaja zhańbiłasia ź biełaruskaj movaj, zapisała videa z tłumačeńniami — ale tak i nie vybačyłasia30
Kamientary