Śpiavačka i paet vyrašyli pakazać, što sa stvaralnika niama čaho ŭziać, akrom tvorčaha praduktu.
Nasta Špakoŭskaja z hurtu Naka i Bajsan (Aleś Płotka, TerraKod) zładzili niu-fotasesiju za svabodu tvorčaha samavyjaŭleńnia.
Ciaham hoda ciahniecca nieparazumieńnie z vykanańniem pieśni na słovy Janki Kupały «Malitva», u vyniku jakoha kampazitar Aleh Moŭčan padaŭ u sud na Nastu Špakoŭskuju. Bajsan, vydaŭšy knihu vieršaŭ, da apošniaha momantu mieŭ pahrozu zryvu prezientacyi praź niezadavolenaść niekatorych mastakoŭ vobrazam Vieršnica — žanočym uvasableńniem hierba «Pahonia».
«Naš mesedž prosty — sa stvaralnika niama čaho ŭziać, akramia tvorčaha praduktu. Kaniec cytaty», — ścisła prakamientavali akcyju jaje ŭdzielniki. Aŭtaram fotasetu staŭ Ivan Biesier.
Najbližejšyja vystupy artystaŭ adbuducca: Naka syhraje 8 sakavika ŭ kłubie TNT, Bajsan — 28 lutaha ŭ Viciebsku, u art-bazie Vitebsk4me.
Praciahvajecca i tvorčy fłeš-mob u padtrymku hurtu Naka. Biełaruski piśmieńnik, vydaviec, mastak Adam Hłobus prapanavaŭ paetam publična pračytać vierš «Malitva» Janki Kupały, a muzykam — stvaryć novyja pieśni na słovy biełaruskaha kłasika.
Svaje aŭdyjo- i videaroliki, napracoŭki, prosta zaŭvahi, pažadańni, idei možna źmiaščać u supołkach Tuzin.fm u Facebook, «UKantakcie» albo dasyłać na redakcyjnuju skryniu [email protected].
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary