Zbor na šeście pa-raniejšamu a 15:00 la kinateatru «Kastryčnik».
Arhanizatary śviatkavańnia «Dnia Voli» zajavili ab admienie zapłanavanaha na mitynhu kancertu, paviedamlaje Tuzin.fm.
Na mitynhu na płoščy Banhałor a 17-j hadzinie musili vystupić Amaroka, «Mutnajevoka» i ZnaROCK.
Jak śćviardžaje adzin z arhanizataraŭ akcyi Mikita Siemianienka, «usie muzyki niepasredna siońnia admovilisia ad ŭdziełu». «Kamuści bojazna, chtości nie paśpiavaje z pracy», — kaža jon.
Hurt «Mutnajevoka» tłumačyć, što byŭ hatovy vystupić u raniej pryznačany jamu čas — u 19:30. «Ale jaho (vystup — NN) pieranieśli na dźvie hadziny raniej, i ŭ hety čas hurt vystupić nie moža. Pieražyvajem z-za hetaha, ale tak jość», — skazaŭ lidar hurtu Jaŭhien Zmuška.
Hurt Amaroka zajaviŭ pra niemahčymaść vykanańnia arhanizatarami minimalnaha techničnaha rajderu. «Taksama my nie padtrymlivajem nivodnuju z sučasnych palityčnych partyj i vystupajem suprać palityzacyi znakavaha śviata dla ŭsioj Biełarusi», — zajaviŭ lidar hurtu Źmicier Afanasienka.
Lidar ZnaROCK Jaŭhien Sokałaŭ raspavioŭ «Našaj Nivie», što admovicca ad udziełu ŭ kancercie jaho hurt vyrašyŭ raniej — kali stała viadoma pra pryznačeńnie pačatku akcyi na 15:00. «Nijakich tajemnych zmovaŭ tam niama. Jašče raz prynosim prabačeńni. Ja tam (na akcyi — NN) budu prosta jak udzielnik», — raspavioŭ jon.
Čytajcie taksama:
Dzień Voli: u Minsku projdzie tradycyjnaja akcyja, pačatak šeścia a 16-j
Prahnoz nadvorja na Dzień Voli
Kudy schadzić uviečary 25 sakavika
Kab nie płacić padatak na sabak, minčuki pačali zdavać ich u punkty adłovu25
Kamientary