22 (–). Vasil Maciušeŭski
Pieršy vice-premjer.
Vasil Maciušeŭski razmaŭlaje pa-anhlijsku, umieje stylova apranacca i nie baicca ŭśmichacca ŭ kamieru. Top-mieniedžar, jaki skončyŭ Łondanskuju biznes-škołu, pahadziŭsia stać tvaram pieramienaŭ u kryzisny čas.
Kaliści jon (a jašče i Pavieł Kałaŭr) dapamahaŭ budaŭniku Piatru Prakapoviču, jakoha los zakinuŭ u staršyni Nacbanka. Za 2001—2007 kurs dalara faktyčna nie mianiaŭsia, i ŭ hetym była vielizarnaja zasłuha namieśnikaŭ.
Ciapier Maciušeŭskamu daviadziecca ruchać reformy i šukać paplečnikaŭ siarod namienkłatury. Adnak u vialikaj palitycy ciažka zastacca ŭ biełym. Pieršaha vice-premjera ŭžo paśpieli niepryhoža padstavić. Lidara hruzapieravozčykaŭ Siarhieja Štodu paklikali ŭ Dom urada na pryjom da Maciušeŭskaha, jaki nasamreč byŭ u zamiežnaj kamandziroŭcy. A Štodu zatrymali i pasadzili na sutki.
Cytata
«Vielmi važna dla nas, kab my pierastali ŭsio mierać u dalarach».
Luty 2015.
Abjektyŭka
Nar. u 1969 u Oršy. Skončyŭ ekanamičny fakultet BDU (1991), aśpiranturu Instytuta ekanomiki Akademii navuk (1994), Łondanskuju škołu biznesu (2012). Kandydat ekanamičnych navuk.
Pracavaŭ načalnikam adździeła ŭ NPA «Fieniks» (1991—1992), navukovym supracoŭnikam NDI ekanomiki Dziaržekanampłana (1992), trecim sakratarom MZS (1992–1994), u sistemie Nacbanka ad hałoŭnaha ekanamista da namieśnika staršyni (1994—1997, 1998—2010), daradcam ministra finansaŭ (1997—1998), staršynioj praŭleńnia «BPS-Śbierbanka» (2010—2014). Z 2014 — pieršy vice-premjer. Žanaty, maje syna.
* * *
Čytajcie taksama:
Va ŭradzie ŭpieršyniu źjaviŭsia top-mieniedžar ź jeŭrapiejskaj adukacyjaj: historyja žyćcia Vasila Maciušeŭskaha
* * *
Ciapier čytajuć
Lavončyk: Mielnikava vylecieła ŭ Łondan i, nie zatrymlivajučysia, vylecieła z Łondana — heta 100-pracentna5
Kamientary