Mova naša. Typovyja pamyłki «Našaj Nivy» za maj — 1

Uvieś čas my ŭ «Našaj Nivie» zapisvajem typovyja pamyłki, jakija vypraŭlajem u artykułach reparcioraŭ i pazaštatnych aŭtaraŭ. Hetuju padborku rassyłajem supracoŭnikam.

Takim čynam my starajemsia ŭźniać kulturu movy.

Prablema ŭ tym, što sa škoły i ŭniviera ludzi vychodziać ź nietryvałymi viedami biełaruskaj. Da taho ž, daminacyja rasiejskaj movy ŭ haradskim asiarodździ, na radyjo i TB błytaje ludziej. Davodzicca ŭvieś čas nahadvać praviły.

My padumali, što hetyja pamyłki mohuć być cikavyja i čytačam, jakija vučać movu ci lubiać movu. Heta ž typovyja vypadki.

Forma tłumačeńnia — minimalistyčnaja.

košt kožnaj mašyny vyšeJŠY za 100 tysiač; kluč robicca bližejŠY ad mašyny; nie było trochpakajoŭki, tańniejŠAJ za 1650 za mietr; kachańnie majo z Vasilom robicca ŭsio macniejŠYM i macniejŠYM, bo tut heta prymietniki, a nie prysłoŭi, a prymietniki ŭ biełaruskaj movie, jak i ŭ anhielskaj, francuzskaj ci polskaj u paraŭnalnaj formie nie supadajuć z paraŭnalnaj formaj prysłoŭjaŭ

pAlihamnaja žyvioła

kazaCKI, a nie kazačy

spArtzała

dVUchhadzinny dopyt

šeśćdzJasiat

imia žanočaje MaJa (biez j), proźvišča MieJerchold

budučynia lepš, čym budučaje

ČElabinsk, ČElabinskaja vobłaść, bo praviła akańnia nie raspaŭsiudžvajecca na słovy niesłavianskaha pachodžańnia

pieršynstvO

laśnik, ale ź leśnikom, bo nacisk pieramiaščajecca na inšy skład

vyšynia, a nie vysata

nasieńnie, a nie siemiana

VojcJech, VajcJech, AlžbJeta, ElžbJeta

mesEdž

bitva pad DebalcavAM, vioska pad HrodnAM, chmara za MaładziečnAM

koŭzanka, a nie katok (= miesca koŭzańnia)

Krasnaja płošča, a nie Čyrvonaja (= pryhožaja)

kurortA, hastranomA, hodA, kałhasA, BabrujskA, punktA, biletA, vałA, bufietA, kantynhientA, SpasA, pałkA, paradA, kłasA (rodny skłon, mužčynski rod)

art-chaŭzU, fondU, ForumU vuličnych teatraŭ, narkotykU, žanrU (rodny skłon, mužčynski rod)

pieršaha kursA ŭniviersiteta (= hoda), ale karabiel źbiŭsia z kursU (= kirunku)

Statkievič zastaniecca ŭ turmie da kanca terminU (= času), ale ŭžyvańnie terminA «palitviazień» (= słova)

Navarosija, ale nOvarasijski; nAvabud, ale nOvabudoŭla, bo nacisk u druhoj asnovie pieramiaściŭsia na druhi skład ad pačatku

źjaZdžać

RaUl, a nie Raŭl Kastra, bo nacisk na hetaje u, jak i ŭ słovach Saudaŭskaja, KindzmaraUli

z samAha pačatku, a nie z samoha

orden daje ŭ množnym liku ordeny, ordenaŭ, a nie ardeny, ardenoŭ

hieołaharaźviedačny, a nie hieołaharaźviedvalny

błokpAsty, a nie błokposty

džyp «HraND Čeroki»

biznesmJen, spartsmJen, ale taksama biznesoviec, spartoviec

hiendArny, pradziusAr

• 0
• 0
• 0
• 0
• 0
• 0
• 0
• 0