Łukašenka pra Astravieckuju AES: «Najlepšaja ŭ śviecie stancyja budujecca». Ale biaspłatnych kvater jaje rabotnikam nie budzie
Biełaruś i Rasieja na BiełAES chočuć pakazać prykład atamnych stancyj budučyni. Pra heta zajaviŭ Alaksandr Łukašenka pry dakładzie pa pytańniach padrychtoŭki kadraŭ dla jadziernaj enierhietyki.
«Najlepšaja ŭ śviecie stancyja budujecca, i Rasija choča na prykładzie hetaj stancyi pakazać razam z nami, jakija atamnyja stancyi pavinny być u budučyni», — vieryć Łukašenka.
Jon nahadaŭ, što pieršy enierhabłok stancyi maje być zdadzieny ŭ 2018 hodzie, druhi — u 2020-m. «Spadziajusia, što vy da mianie nie pryjdziecie bližej da 2018 hoda, moža, da inšaha prezidenta, kab pieranieści terminy», — cytuje jaho BiełTA.
Łukašenka taksama patrabuje «nie adryvacca ad realij» pry zabieśpiačeńni žyllom śpiecyjalistaŭ BiełAES. Pavodle jaho słoŭ, unosiacca roznyja prapanovy dla zamacavańnia kadraŭ. Prezident pieraściaroh ad «kavaleryjskich naskokaŭ» ŭ hetym pytańni. «Tam zarobak budzie prystojny ŭ rabaciah, siaredniaha i vyšejšaha źviana. Jak usiudy ŭ śviecie takija śpiecyjalisty apłačvajucca. Treba aryjentavacca na toje, što niejkija srodki jany ŭ stanie płacić za žyllo. Dapuścim, za arendnaje», — adznačyŭ Łukašenka.
«Roznyja varyjanty mohuć być, ale davajcie ich abmiarkujem, nie adryvajučysia ad realnaj rečaisnaści», — skazaŭ Alaksandr Łukašenka i pieraściaroh ad taho, kab razdać biaspłatnyja kvatery.
«Hetaha być nie pavinna. Treba ludziam kazać, što jany pryjduć na vielmi pierśpiektyŭnaje miesca pracy z dobraj zarpłataj», — padkreśliŭ jon.
Ciapier čytajuć
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary