Madžtabie Chamieniei buduć stavić pratez nahi i rabić płastyčnuju apieracyju
Zhodna ź infarmacyjaj, atrymanaj vydańniem The New York Times ad čatyroch iranskich čynoŭnikaŭ, viarchoŭny lidar Irana Madžtaba Chamieniei nibyta pieranios jak minimum try miedycynskija apieracyi i jamu patrebna pratezavańnie nahi.
Jak śćviardžajuć krynicy vydańnia, synu byłoha šmathadovaha viarchoŭnaha lidara Irana Ali Chamienii Madžtabie, jaki byŭ abrany kiraŭnikom krainy paśla hibieli baćki, užo trojčy pravodzili apieracyi na adnoj nazie, a ciapier čakajecca ŭstanoŭka jamu prateza. Taksama paviedamlajecca, što Madžtabie Chamieniei apieryravali ruku, funkcyi jakoj pastupova adnaŭlajucca.
Akramia taho, śćviardžajecca, što ŭ Chamieniei jość surjoznyja apioki tvaru i vusnaŭ, što ŭskładniaje maŭleńnie. U suviazi z hetym jon nibyta maje abmiežavanyja mahčymaści asabista kamunikavać i vykarystoŭvaje pierapisku praz pasiarednikaŭ. Jamu nieŭzabavie buduć rabić płastyčnuju apieracyju
U artykule taksama havorycca, što źjaŭleńnie na publicy viarchoŭnaha lidara Irana abmiežavana, a dostup da jaho — stroha kantralujecca. Pryniatyja Chamieniei rašeńni nibyta pieradajucca praz davieranych asob i vajskovych čynoŭnikaŭ. Dakłady i adkazy ad čynoŭnikaŭ jon taksama atrymlivaje ŭ kanviertach, u pieradačy jakich zadziejničany ceły łancužok kurjeraŭ i słužboŭcaŭ. «Jany jeździać pa aŭtamahistralach i prasiołkavych darohach, na aŭtamabilach i matacykłach, pakul nie dabiarucca da jaho schovišča», — piša NYT. Hienierały Korpusa vartavych isłamskaj revalucyi, jakija ciapier realna kirujuć krainaj, viarchoŭnaha lidara nie naviedvajuć, aścierahajučysia siabie vydać i trapić pad likvidacyju.
Viarchoŭny lidar Irana zajaviŭ pra hatoŭnaść krainy «znoŭ nanieści parazu praciŭnikam»
Režym u Iranie źmianiŭsia — pryčym u horšy bok
Madžtaba Chamieniei zachoŭvaje jasnaść rozumu i ŭdzielničaje ŭ klučavych rašeńniach, ale jaho tvar źniaviečany
Madžtaba Chamieniei pa-raniejšamu ŭ ciažkim stanie i biez prytomnaści — The Times
Iranskija lidary amal nie kamunikujuć pamiž saboj praz strach prasłuchoŭvańnia i likvidacyi
U Iranie patłumačyli źniknieńnie novaha viarchoŭnaha lidara
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary