Tramp zajaviŭ pra «poŭny kantrol» nad Armuzskim pralivam i raskazaŭ pra chaos u kiraŭnictvie Irana
Prezident ZŠA Donald Tramp u svajoj sacsietcy Truth Social zajaviŭ, što ZŠA nibyta ŭstanavili «poŭny kantrol» nad Armuzskim pralivam i buduć utrymlivać jaho zakrytym, pakul Iran nie pahodzicca na peŭnuju damovu.
Taksama Tramp śćviardžaje, što daŭ zahad vajskova-marskim siłam ZŠA «adkryvać ahoń i źniščać lubyja sudny — navat nievialikija łodki — kali jany ŭstaloŭvajuć miny ŭ vodach Armuzskaha praliva». Akramia taho, pa jaho słovach, amierykanskija tralščyki aktyŭna pracujuć nad ačystkaj akvatoryi ad min.
«Nijakich vahańniaŭ być nie pavinna, — zajaviŭ prezident ZŠA. — Našy tralščyki zaraz čyściać praliŭ. Ja zahadvaju praciahnuć hetyja dziejańni, ale ŭ patrojenym abjomie!»
Jon taksama adznačyŭ, što ŭsie 159 vajskovych karabloŭ Irana, maŭlaŭ, «užo lažać na dnie mora».
U nastupnym dopisie Tramp taksama raskazaŭ amierykanskaj i suśvietnaj hramadskaści, što ŭ Iranie nibyta idzie ŭnutranaja baraćba za ŭładu pamiž roznymi palityčnymi hrupami, što, pavodle jaho słoŭ, stvaraje niestabilnaść u kiraŭnictvie krainy.
«Iranu zaraz vielmi ciažka zrazumieć, chto ŭ ich źjaŭlajecca lidaram! Jany prosta nie viedajuć! Unutranyja roznahałośsi iduć pamiž «jastrabami», jakija na poli boju vielmi mocna prajhrajuć, i «pamiarkoŭnymi», jakija zusim nie takija ŭžo pamiarkoŭnyja (ale zavajoŭvajuć pavahu!)», — tłumačyć situacyju ŭ stanie praciŭnika prezident ZŠA, akreślivajučy jaje jak «sapraŭdny chaos».
Madžtabie Chamieniei buduć stavić pratez nahi i rabić płastyčnuju apieracyju
U Trampa zastaŭsia tydzień, kab vyrašyć los vajny ź Iranam
Čarhovaje zvalnieńnie ŭ Pientahonie: pajšoŭ u adstaŭku ministr VMS Džon Fiełan, jaki mieŭsia budavać «załaty fłot» Trampa
Tramp padzialiŭ sajuźnikaŭ pa NATA na «dobrych» i «kiepskich»
Dla abarony amierykanskaj avijabazy ŭ Saudaŭskaj Aravii razharnuli ŭkrainskuju antydronavuju sistemu
Kamientary