20 listapada — pasoł Vialikabrytanii Brus Bakneł čytaje lekcyju «Nacyjanalnaja samaśviadomaść»

Što abjadnoŭvaje Biełaruś i Vialikabrytaniju siońnia? Nikoli nie zdahadajeciesia, što heta prablemy nacyjanalnaj samaśviadomaści. Dla biełarusaŭ pytańnie identyčnaści - adno z tych, asabliva balučych i vostrych, na jakija pakul niama adnaznačnych adkazaŭ. Nam navat moža padavacca, što ŭ hetym śpiecyfika tolki biełaruskaha kantekstu i prykmieta niedafarmavanaści našaj nacyi, što jość krainy, dzie hetaje pytańnie nie maje ŭ sabie takoha prablemnaha składnika. Naprykład, Vialikabrytanija - ź jaje bahatym histaryčnym dośviedam krainy, što spałučyła ŭ adnym karaleŭstvie mnostva etničnych, relihijnych, kanfiesijnych, sacyjakulturnych i inšych identyčnaściaŭ. Jak u palityčnaj prastory, tak i na siemantyčnym ŭzroŭni tam dasiahnuty vyrazny kansensus i sfarmavana davoli akreślenaja identyčnaść. Z hetaha punktu hledžańnia Vialikabrytanija vyhladaje davoli ščasna. A što skažu na heta sami brytancy? Ci dla ich pytańnie nacyjanalnaj samaśviadomaści ŭžo vyrašanaje i sastarełaje? U pošukach adkazaŭ źvierniemsia da asoby, aŭtarytet jakoj nie vyklikaje sumnievu – Ambasadara Jaje Vialikaści spadara Brusa Bakneła, čałavieka, jaki nie tolki daskanała viedaje svaju historyju i kulturu, ale i nie zavočna znajomy ź biełaruskaj.

U admysłovym błohu «4 o'clock z Brusam Baknełam» na sajcie Hramadska-kulturnaj kampanii «Budźma biełarusami» enerhičny, ščyry i adkryty da dyskusij spadar Bakneł, sprabujučy tłumačyć biełarusam Brytaniju, razvažaje taksama i nad pahrozami nacyjanalnaj identyčnaści anhielcaŭ. Siońnia jana razmyvajecca pad upłyvam pracesaŭ hłabalizacyi, a nacyjanalnyja simvały Brytanii stali nastolki pryvabnymi i rastyražavanymi, što ŭžo pierastali naležyć tolki znakavaj prastory Vialikabrytanii – jany zabrudžanyja inšymi kanatacyjami. I tut niemahčyma nie zadacca pytańniami: na čym siońnia bazujecca nacyjanalnaja identyčnaść Abjadnanaha Karaleŭstva? Jak pastavicca da žycharoŭ «tumannaha Albijonu» – heta nabor roznych nacyjaŭ, abjadnanych terytaryjalna – brytancaŭ, šatłandcaŭ, valijcaŭ? Ci heta ŭsio adna vielikabrytanskaja nacyja? Ci mahčyma mulcikulturnaja identyčnaść jak adkaz na vykliki hłabalizacyi?

U publičnaj pramovie «Nacyjanalnaja samaśviadomaść» z cykłu UrbietOrbi, Ambasadar Vialikabrytanii Brus Bakneł pa zaprašeńni Latučaha ŭniviersiteta i Halerei Tut.by dzielicca razvažańniami pra admietnaść nacyjanalnaj samaśviadomaści svajoj krainy i sprabuje jašče raz ahučyć tyja akcenty, pytańni, jakija ličyć važnymi jak dla brytancaŭ, tak i dla biełarusaŭ.

Lekcyja adbudziecca 20 listapada a 18.30 u Halerei TUT.BY (pr-t Dziaržynskaha, 57). Uvachod volny!

Dadatkovaja infarmacyja: teł.+375297422040

• 0
• 0
• 0
• 0
• 0
• 0
• 0
• 0