Minskaja abłasnaja biblijateka imia A. S. Puškina (vuł. Hikały, 4). Pačatak 18.00.
20 studzienia ŭ 18.00 kampanija «Budźma biełarusami!» i Sajuz biełaruskich piśmieńnikaŭ zaprašajuć na prezientacyju biełaruska-niamieckaha vydańnia knihi Michaiła Vałodzina «Naš stary dobry Vaviłon. Prahułka pa horadzie ŭ Minskich historyjkach».
«Minsk – adzin z samych nudnych haradoŭ u śviecie». Taki prysud horadu vynies šeśćdziesiat hadoŭ tamu niamiecki piśmieńnik Biertalt Brecht. Što ž, i hienijam ułaściva pamylacca! Kali b vialiki niemiec pračytaŭ knihu našaha sučaśnika Michaiła Vałodzina i prahulaŭsia razam z aŭtaram pa minskich vulicach, jon napeŭna źmianiŭ by svajo mierkavańnie. Ciapier jamu było b jašče praściej, bo litaralna siońnia «Naš stary dobry Vaviłon. Prahułka pa horadzie ŭ Minskich historyjkach» zahučaŭ pa-niamiecku i – što dla nas bolš važna! – pa-biełarusku!
I ŭpeŭnivajem vas: kali b Biertalt Brecht trapiŭ u minski Vaviłon, jak da jaho Albiert Ejnštejn, Leŭ Tałstoj, Džanłarenca Biernini, Žan-Batyst Maljer i mnohija inšyja, to adčuŭ by siabie minčaninam. Bo Minsk – heta suśviet! Nie darma ž aŭtar «Minskich historyjek» śćviardžaje, što ŭsie ludzi – minčanie!
Zaprašajem prahulacca pa niasumnym Minsku razam z
* mastakami Siarhiejem Stelmašonkam, Uładzimiram Ceśleram, Iharam Rymašeŭskim, Źmitrom Surynovičam;
* muzykami Viktaram Šałkievičam, Źmitrom Vajciuškievičam, Piatrom Klujevym;
* znaŭcami minskaj historyi Siarhiejem Chareŭskim, Vadzimam Zielankovym, Cimocham Akudovičam, Źmitrom Padbiarezskim i inšymi cikavymi minčanami.
Minskaja abłasnaja biblijateka imia A. S. Puškina (vuł. Hikały, 4)
Pačatak: 18.00
Uvachod volny.
Kamientary