U Minsku na «Art-Siadzibie» raspačaŭsia adzinaccaty siezon aśvietnickich lidarskich kursaŭ Dydžejaŭ Adradžeńnia. Kala 30 čałaviek prajšli pačatkovy test na «Biełaruski IQ».
Viadzie kursy sustaršynia BCHD Pavieł Sieviaryniec.
— Zaraz biełaruskamu ruchu vostra nieabchodnyja dobra padrychtavanyja lidary. Biełaruskaść musić być mocnaj, efiektyŭnaj, paśpiachovaj. Na hetych kursach my jakraz i kštałtujem hramadskich arhanizataraŭ, znajomim ich z asnovami nacyjanalnaj idei i psichałohii, vučym arhanizoŭvać akcyi, pravodzić kampanii, pracavać ź infarmacyjaj, sacsietkami, radyjo, televizijaj, — kaža Pavieł Sieviaryniec.
Admietnaść sioletnich kursaŭ u tym, što, akramia 12 lidaraŭ-dydžejaŭ, tut buduć rychtavać dadatkova i 10 mieniedžaraŭ biełaruskaha ruchu, projdzie konkurs biełaruskich videaklipaŭ i spabornictva ŭ biełaruskim karaokie, a taksama finalny letnik na Paazierji. Kožny ŭdzielnik kursaŭ maje svoj asabisty rejtynh i maje prajści šerah vyprabavańniaŭ: pravieści viktarynu ŭ škole, arhanizavać hramadskuju akcyju z rozhałasam u ŚMI, zładzić biełaruskuju imprezu ŭ hłuchim kutku krainy.
Asnoŭny kantynhient navučencaŭ na Kursach sioleta – studenckaja i pracoŭnaja moładź.
Nastupny zaniatak na kursach – u aŭtorak, 18.00 na «Art-Siadzibie», jahonaja tema – «Naša kraina, naš čas, naš ruch». Uvachod volny.
Kamientary