NN.BY atrymała papiaredžańnie ad Mininfarmacyi za artykuł u rubrycy «Mierkavańni»
Ministerstva infarmacyi Biełarusi vyniesła piśmovyja papiaredžańni ŭładalnikam infarmacyjnych resursaŭ, raźmieščanych u internecie (ej.by i nn.by), paviedamiła BiełTA sa spasyłkaj na viedamstva.
U dačynieńni da ej.by papiaredžańnie vyniesienaje za publikacyju «Biełaruskaje vojska kompleksna praviarajuć na bojehatoŭnaść», u jakoj idzie havorka pra mierapryjemstvy pa praviercy bojehatoŭnaści Uzbrojenych Sił. Pry hetym publikacyja supravadžajecca fatahrafijaj niamieckaj techniki časoŭ Druhoj suśvietnaj vajny.
«Takaja kampilacyja tekstu i fatahrafii dyskredytuje Uzbrojenyja Siły Respubliki Biełaruś», — adznačyli ŭ Mininfarmie.
U materyjale nn.by pad zahałoŭkam «U Biełarusi — čyrvony ŭzrovień demahrafičnaj niebiaśpieki: štohod «vymiraje» rajcentr», śćviardžajecca pra katastrafičnuju demahrafičnuju situacyju ŭ krainie, jakaja «nibyta» maje miesca ŭ ciapierašni čas. «Hetaja infarmacyja nie adpaviadaje rečaisnaści, što paćviardžajecca statystyčnymi dadzienymi Nacyjanalnaha statystyčnaha kamiteta Biełarusi, raźmieščanymi na infarmacyjnym resursie belstat.gov.by. Padobnaja niedakładnaja infarmacyja ŭ artykule nn.by dyskredytuje vynikovaść dziaržaŭnaj demahrafičnaj palityki», — ličać u ministerstvie.
Ad Redakcyi
Što datyčyć papiaredžańnia «Našaj Nivie», to dadzieny artykuł byŭ napisany našym čytačom Siarhiejem Labieckim. Jon byŭ apublikavany ŭ rubrycy «Mierkavańni». Jaho aŭtar hruntavaŭ svajo mierkavańnie na svaich acenkach. Ministerstva infarmacyi spasyłajecca, u svaju čarhu, na aficyjnuju demahrafičnuju statystyku Biełstata.
Varta adznačyć, što «Naša Niva» nie raz publikavała i biełstataŭskuju infarmacyju ŭ rubrycy «Hramadstva».
Voś tyja artykuły:
Nasielnictva Biełarusi pavialičvajecca ŭpieršyniu za 20 hadoŭ
Užo ŭ hetym miesiacy kolkaść nasielnictva Biełarusi maje pieravysić 9,5 miljona čałaviek
My paraimsia ź jurystami adnosna taho, ci jość sens abskardžvać dadzienaje papiaredžańnie.
U kožnym razie, NN.BY imkniecca da maksimalnaj dakładnaści infarmacyi, što publikujecca, a taksama zabiaśpiečvaje pluralizm mierkavańniaŭ.
-
Kamandujučy NATA nie havaryŭ pra ŭdary pa Biełarusi ŭ vypadku napadu Rasii ź jaje terytoryi. Heta ahučvałasia ŭ raniejšaj stratehii
-
Biełaruski muziej imia Ivana Łuckieviča rychtuje vystavu da 120‑hodździa «Našaj Nivy» i prosić dapamahčy z ekspanatami
-
«Naša Niva» atrymała try žurnalisckija premii. Siarod pieramožcaŭ Buhaj i Roŭda
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4545
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie45
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary