Hurt Navi, adziny biełaruskamoŭny finalist adboračnaha tura na «Jeŭrabačańnie-2016», prajedzie z vystupleńniami pa ŭsioj krainie. Pra heta paviedamili ŭ pres-słužbie «Alfa-Banka» (Biełaruś), jaki padtrymaŭ impravizavanuju promaakcyju «Viasna idzie!».
Muzyki pieramahli ŭ alternatyŭnym hałasavańni, jakoje pravodziŭ «Alfa-Bank» napiaredadni nacyjanalnaha finału. Karystalnikami sacyjalnych sietak pryjšłosia da spadoby rašeńnie muzykaŭ vystupać na biełaruskaj movie z zapaminalnaj pieśniaj «Heta ziamla». U Šviecyju vykanaŭcy ŭsio ž nie pajeduć, ale zatoje ich čakaje miesiačnaja pajezdka pa Biełarusi.
Muzyki Arciom Łukjanienka i Ksienija Žuk praśpiavajuć u 10 haradach. Pieršy vystup adbyŭsia 4 sakavika ŭ Salihorsku. Tur praciahniecca ŭ Viciebsku (12 sakavika), Navapołacku (13 sakavika), Homieli (17 sakavika) i Mazyry (20 sakavika). Paśla nievialikaha pierapynku hrupa naviedaje Mahiloŭ (26 sakavika) i Babrujsk (27 sakavika). Taksama ich možna budzie pačuć u Hrodna (1 krasavika) i Breście (2 krasavika), a zavieršycca akcyja 3 krasavika ŭ Baranavičach.
Sieryja vystupaŭ u haradach Biełarusi pryśviečana abudžeńniu pryrody i stanie svojeasablivym «Hukańniem viasny». Trapić na akcyi možna biaspłatna, projduć jany ŭ handlovych centrach. Muzyki zaprašajuć na svaje vystupleńni ŭsich, chto čakaje viasnu i kamu nieabyjakava biełaruskaja muzyka i kultura.
«Naša siabroŭstva z Navi pačałosia ŭ finale nacyjanalnaha adboru na «Jeŭrabačańnie», kali ich pieśnia ŭ sacsietkach banka sabrała bolš za 2 tysiačy hałasoŭ. Jany hučać žyćciaradasna i mieładyčna, sapraŭdy pa-viasnovamu, — upeŭnieny pres-sakratar «Alfa-Banka» (Biełaruś) Vital Žahołkin. — Farmat vystupleńniaŭ vielmi niefarmalny: impravizavanaja scena, volny ŭvachod, žyvyja znosiny, uśmieški i zavadnyja pieśni. Mnohija biełarusy zaraz zmohuć litaralna paznajomicca z Navi, jakija niasuć soniečny pazityŭ i viasnovuju enierhiju».
«My pieršapačatkova chacieli niejak pa-asablivamu sustreć nadychod viasny. I, na ščaście, našu ideju padtrymali ŭ «Alfa-Banku». My vykanajem pieśni na dźviuch movach — biełaruskaj i ruskaj. Žychary abłasnych i rajonnych centraŭ zmohuć biaspłatna pabyvać na kancercie, paznajomicca z nami i našaj tvorčaściu. Mahčyma, heta stanie dla nas dobraj tradycyjaj u budučyni», — pryznaŭsia Arciom Łukjanienka.
Hurt Navi źjaviŭsia ŭ lipieni 2013 hoda, a ŭžo ŭ kastryčniku taho ž hoda pravioŭ svoj pieršy solny kancert. Jany paśpiachova vystupajuć na muzyčnych konkursach i źjaŭlajucca ŭładalnikami nacyjanalnaj premii «Lira». U finale biełaruskaha «Jeŭrabačańnia» jany vystupili ź pieśniaj «Heta ziamla».
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary