U Biełarusi ŭvodzicca časovaje patrabavańnie dla kiroŭcaŭ — abaviazkova ŭklučać blizkaje śviatło faraŭ u dzionny čas. Hetaja miera źviazana z prafiłaktyčnaj akcyjaj DAI «Uvaha — dzieci!», jakaja pravodzicca napiaredadni letnich kanikuł.
Meta akcyi — źnizić kolkaść DTZ z udziełam dziaciej, bo ŭ hety pieryjad ich stanovicca bolš na vulicach, asabliva kala daroh.
Akcyja budzie dziejničać pa ŭsioj krainie z 25 maja pa 5 červienia. Na hety čas usie kiroŭcy abaviazanyja jeździć z uklučanym blizkim śviatłom faraŭ navat udzień.
U DAI tłumačać, što ŭ letni pieryjad darožnaja situacyja stanovicca bolš napružanaj, a dadatkovaja bačnaść aŭtamabilaŭ dapamahaje lepš zaŭvažać transpart i źnižaje ryzyku avaryj. Asablivuju ŭvahu prosiać nadavać učastkam kala škoł, dziciačych ustanoŭ, piešachodnych pierachodaŭ, prypynkaŭ i dvaroŭ.
Za parušeńnie hetaha patrabavańnia praduhledžany štraf — da 3 bazavych vieličyń.
Kamientary