Biełaruska pradaje na barachołcy rečy brata, pakul toj u armii. Kab sabrać na advakata i pakinuć brata biez spadčyny
Na sajcie biaspłatnych abjaŭ znajšłasia vielmi cikavaja prapanova. Sama reč ničoha asablivaha nie ŭjaŭlaje: kofta jak kofta. Ale voś pryčyna prodažu apisana vielmi samabytna, piša Blizko.by.
Kaciaryna z Navapołacka, jakaja chavajecca pad psieŭdanimam Flow, pradaje mužčynski švedar za 15 rubloŭ i supravadžaje jaho takim apisańniem:
«Mužčynskaja kofta. Brata zabrali ŭ armiju, tamu pradaju jaho rečy, pakul jon nie viarnuŭsia. Ciopłaja, zručnaja, jamu padabałasia, tamu pradaju tańniej, čym jana kaštuje. Uvohule biaspłatna b addała, ale źbiraju na advakata, kab jon nie ŭstupiŭ u spadčynu i zastaŭsia z hołaj d***j».
U hetaj ža dziaŭčyny jość jašče niekalki łotaŭ, i ŭsie jany apisanyja žyva, z ahieńčykam i niepadrobnym žyćciovym dośviedam.
Voś žakiet: «Moj rost 165, pamier sorak druhi. Ale nibyta na mnie hladzicca dobra, tak što dumaju, padydzie. Ale na bircy paznačany 44 pamier, choć jon bolš padobny na aviersajz. Napeŭna, vaŭniany, ale ja prahulvała ŭroki pracy, tamu nie ŭpeŭnienaja. Paśla myćcia nie razvaliŭsia».
A voś muzyčnaja kałonka: «Ja kałonkaj uvohule nie karystałasia. Dastała z karobki tolki kab sfatahrafavać. Hučyć vydatna, prosta mnie jana nie patrebnaja, a hrošy patrebnyja».
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3535
Kamientary