Jak daviedałasia Financial Times ad dziejnych i byłych amierykanskich čynoŭnikaŭ, u vypadku Kuby havorka idzie nie pra poŭnuju źmienu palityčnaj sistemy, a chutčej pra simvaličnuju «źmienu režymu» praz zamienu kiraŭnika dziaržavy. Pry hetym krynicy vydańnia śćviardžajuć, što Vašynhton nastojvaje mienavita na takim scenaryi ŭ pieramovach.
ZŠA nibyta razhladajuć varyjant, pry jakim u miežach mahčymych damoŭlenaściaŭ z Kubaj pavinna adbycca adchileńnie ad ułady prezidenta krainy Mihiela Dyjasa-Kaniela.
Raniej amierykanskija ŚMI ŭžo pisali, što ZŠA mohuć razhladać mahčymaść adchileńnia kubinskaha prezidenta ad ułady, ale biez kardynalnaj źmieny ŭsioj sistemy kiravańnia. U toj ža čas aficyjnyja asoby, u tym liku dziaržsakratar Marka Rubia, nazyvali padobnyja paviedamleńni fejkavymi.
Niahledziačy na heta, apošnim časam palityka ZŠA ŭ dačynieńni da Kuby stała bolš žorstkaj. U pryvatnaści, Miniust ZŠA abvinavaciŭ byłoha lidara krainy 95‑hadovaha Raula Kastra ŭ zmovie, a Pientahon nakiravaŭ u rehijon avijanosnuju ŭdarnuju hrupu.
Dadatkovyja padazreńni nakont mahčymych žorstkich dziejańniaŭ uźnikli paśla paviedamleńnia CBS News pra vizit dyrektara CRU Džona Retklifa ŭ Havanu. Pavodle hetych źviestak, jaho supravadžaŭ śpiecnazaviec, jaki raniej udzielničaŭ u apieracyi suprać vieniesuelskaha lidara Nikałasa Madura. Heta ŭzmacniła čutki pra mahčymyja siłavyja scenary. Kubinski bok adchilaje ŭsie abvinavačańni i zajaŭlaje, što ZŠA šukajuć padstavy dla cisku abo mahčymaj ahresii.
Pavodle inšych krynic, u Vašynhtonie pakul niama kančatkovaha rašeńnia: razhladajucca jak dypłamatyčnyja, tak i siłavyja varyjanty raźvićcia padziej.
Vyklučnaja padzieja: dyrektar CRU prylacieŭ na Kubu
Prezident Kuby zajaviŭ, što mahčymy vajenny napad ZŠA na krainu pryviadzie da kryvavaj bojni ź niepradkazalnymi nastupstvami
«Uklučycie śviatło». Kubincy pratestujuć suprać uładaŭ na fonie poŭnaha błekaŭtu
Kuba na miažy katastrofy: ci vyžyvie kraina i jakaja historyja jaje adnosin z ZŠA
ZŠA raspracoŭvajuć płan vajskovaj apieracyi na Kubie
Kamientary