Fatohraf Alaksandr Prakapovič źniaŭ salista biełaruskaha hurtu «Drazdy» Vitala Karpanava razam z husiami i amal całkam aholenym.
Imavierna, heta byŭ adkaz biełaruskamu ŭdzielniku «Jeŭrabačańnia» Alaksandru Ivanovu, jaki niadaŭna zładziŭ padobnuju fotasiesiju, ale z vaŭkami.
Na pytańnie, ci sapraŭdy jon zrabiŭ parodyju na fotasiesiju, Vital adkazaŭ «Našaj Nivie» takim čynam: «A što z Ajvanam było nie tak? Ja nie ŭ kursie. Ja aholeny i jon aholeny, a što, bolš aholenych niama»?
Śpiavak śpiašaŭsia na kancert i nie zdoleŭ rastłumačyć, da čaho pryviazanaja fotasiesija, ale admietna inšaje. U intervju «Anłajnieru» jon zajaviŭ, što hurt «takim čynam vyrašyŭ paspryjać ekanomicy rodnaj krainy» i padtrymać Ajvana na «Jeŭrabačańni». U intervju ž «Kamsamolskaj praŭdzie» Karpanaŭ adznačyŭ što Ajvan skraŭ jaho ideju, bo žyvioły, u dadzienym vypadku husi, prysutničali na vystupie hurtu na biełaruskim adbory na «Jeŭrabačańnie».
Takim čynam, viersii asnoŭnaha matyvu fotasiesii razychodziacca, i jon zastaŭsia nieviadomym.
Kamientary