Navukoŭcy: Adzinota pavialičvaje ryzyku zachvorvańniaŭ serca
Zhodna ź niadaŭna praviedzienym u Brytanii daśledavańniem, adzinota i sacyjalnaja izalacyja ŭ značnaj stupieni pavialičvajuć ryzyku raźvićcia sardečna-sasudzistych zachvorvańniaŭ i navat mohuć stać pryčynaj infarktu.
Pa vynikach analizu dadzienych apytańniaŭ, u jakich uziali ŭdzieł bolš za 180 tysiač čałaviek, navukoŭcy z univiersitetaŭ Jorka, Livierpula i Ńjukasła pryjšli da vysnovy, što adzinota moža pavialičyć ryzyku raźvićcia sardečna-sasudzistych zachvorvańniaŭ na 29%.
Daśledavańnie pakazała, što adzinota akazvaje na arhanizm čałavieka taki ž zhubny ŭpłyŭ, jak i stan tryvohi ci stresu. U suviazi z hetym navukoŭcy zaklikajuć miedykaŭ źviartać uvahu pacyjenta na važnaść znosin i ŭzajemadziejańnia ź inšymi ludźmi.
Niadziva, što brytanskija navukoŭcy tak zaniepakojenyja prablemaj adzinoty — bo, pavodle dadzienych apytańnia, jakoje štohod pravodzić Nacyjanalnaja statystyčnaja słužba, Brytanija źjaŭlajecca adnoj z «samych adzinokich krain» Jeŭropy: pracent brytancaŭ, jakija adčuvajuć siabie samotna, zvyčajna vielmi vysoki.
Pakazalnym źjaŭlajecca jašče i toj fakt, što ŭ 2011 hodzie ŭ Brytanii była zapuščana «Kampanija pa baraćbie z adzinotaj» (Campaign to End Loneliness). Dziejnaść hetaj sacyjalnaj słužby nakiravanaja ŭ pieršuju čarhu na dapamohu pažyłym ludziam.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5555
Kamientary