Arhanizatary raskryli imiony ŭsich udzielnikaŭ Mirum Music Festival

Leta ŭ Biełarusi ŭ hetym hodzie jak nikoli raduje hodnymi padziejami, ale kali vy nie patrapicie na Mirum Music Festival — heta padstava dla taho, kab paśla siadzieć i sumavać, prahladvajučy fotareport za fotareportam.

Sonca, śviežaje pavietra, dobraja muzyka, pryhožyja ludzi, smačnaja ježa i nievymoŭnaja atmaśfiera — heta toje, što prapanuje vam fiestyval, i toje, ad čaho zusim nie treba admaŭlacca. Učora arhanizatary abviaścili poŭny łajn-ap fiestyvalu. Usio tradycyjna z hustam i zusim nie prosta.

Mirum Music Festival štohod pryvozić litoŭskich artystaŭ i kožny raz — heta muzyka, jakaja nadoŭha zastajecca i ŭ sercy, i ŭ dušy. Heta jakaść i heta styl. U hetym hodzie arhanizatary vyrašyli nie adstupać ad tradycyi i zaprasili imkliva nabirajučy papularnaść duet Beissoul&Einius. Dziŭnaja charyzma, hipnatyčnaja elektronika, siurrealistyčnaja chareahrafija zrabili ich vystupy fienomienam.

Red Snapper — majstry brytanskaha ejsid-džazu. Kalektyŭ isnuje z 1993 hoda i staŭ viadomym dziakujučy tamu, što zdoleŭ arhanična sumiaścić akustyčnyja instrumienty i elektronnuju muzyku. Red Snapper vystupiać u Biełarusi ŭpieršyniu i navinoj ab svaim pryjeździe ŭžo paśpieli ŭzburyć dušy sotniaŭ biełaruskich prychilnikaŭ.

ONUKA — zdajecca, hety hurt ŭžo nie maje patreby ŭ pradstaŭleńni, ale kali chtości jašče nie ŭ kursie, heta adno z samych hučnych adkryćciaŭ 2015 hoda hoda va Ukrainie i za jaje miežami. Hrupa, jakoj filihrannym čynam udałosia sumiaścić elektronnuju muzyku i ŭkrainskija narodnyja instrumienty, jak naprykład sapiłka, bandura i trymbita. Hrupa ŭžo vystupała na fiestyvali ŭ minułym hodzie, ale arhanizatary nie vystajali pierad tym, kab pryvieźci ich jašče raz, tamu što, pa ich słovach, ONUKA — heta toje, što chočacca słuchać biaskonca.

Taksama haściami z Ukrainy stanuć hurty The HARDKISS i «Vahonovožatyje».

«Miedžikuł» — prajekt, jaki vykonvaje dyska-pop/fank-muzyku na ruskaj movie. Usiaho za hod isnavańnia hrupa pastaviła z noh na hałavu rasijskuju muzyčnuju scenu. Debiutny albom «Miedžikuł», jaki vyjšaŭ 26-ha lutaha 2016 ha hoda, doŭhi čas utrymlivaŭ pazicyi ŭ 10-cy papularnych albomaŭ na iTunes, a taksama byŭ ŭhanaravany samymi aŭtarytetnymi internet-vydańniami, takimi jak Afiša-Daily, The-Flow i inš. Hetaja muzyka była stvorana na niabiosach dla tancaŭ i kachańnia, a nie jak inakš.

Biełaruskimi ŭdzielnikami fiestyvalu stanuć užo šyroka viadomyja NAVI i CherryVata, a taksama Prokop Jnr & Klaxons Brass, Vibeclub i druhi prajekt Ani Ždanavaj Bonehider.

Tradycyjna paśla taho, jak zakančvaje pracavać hałoŭnaja scena, pračynajecca Mirum Terrace, na jakoj svajo majsterstva pakazvajuć znakamityja zamiežnyja i biełaruskija dydžei.

Padarunkam dla amataraŭ ciopłaha letniaha hruvu i haračych tancaŭ stanie hałandski dydžej Marcel Vogel. Bolš za 20 hadoŭ za kruciołkami, relizy na topavych Intimate Friends i Lumberjacks in Hell, a taksama vystupleńni na Boiler Room i ŭ lepšych kłubach śvietu. Heta sapraŭdy lehiendarny kalekcyjanier dyska, buhi i chaŭs muzyki, hałoŭnaje dla jakoha — eklektyka i ekśpierymienty.

Pavialičyć

Haściami Mirum Terrace taksama stanuć viadomyja na mižnarodnaj dydžej arenie biełarusy Lay-Far i Funkyjaws, a taksama dobra znajomyja ŭsim tusoŭščykam BV, Verde, Gaamer, Four Walls, Salut 80, Lipski, Fitzzgerald, Iner, Radkevich.

Pa pryjeździe na fiestyval spynicca možna budzie ŭ namiotavym miastečku, u adnoj z ahrasiadzibaŭ Mira i vakolic abo ŭ haścinicach, miesca ŭ jakich zabraniravać lepš užo zaraz.

Za charčavańnie haściej budzie adkazvać vialiki i raznastajny fudkort, a za nastroj — roznyja zabaŭlalnyja zony. Budzie taksama arhanizavana dziciačaja zona, spartyŭnaja zona, u jakoj hości zmohuć pazajmacca, naprykład, johaj dy jašče i ŭ promniach žnivieńskaha śvitańnia.

Košt kvitkoŭ składaje:

12-ha ci 13-ha žniŭnia: 25 rub. (250 000)

12—14-ha žniŭnia: 42 rub. (420 000)

14-ha žniŭnia płanujecca after-party na Mirum Terrace, tudy zmohuć patrapić hości ź lubym biletam.

Kvitki na 1-y, 2-i abo abodva dni možna nabyć na sajcie i ŭ kasach KVITKI. BY pa ŭsioj Biełarusi, a taksama biez kamisii ŭ raspaŭsiudnikaŭ u Minsku (375.296.365.635), Hrodnie (375.336.810.441), Homieli (+375 29 143 43 40), Breście (375.296.065.056) i Viciebsku (+375 25 913 38 76).

Bolš padrabiaznaja infarmacyja ab punktach prodažu i pra fest u aficyjnych supołkach fiestyvalu ŭ vkontakte i facebook, a taksama na sajcie mirummusicfestival.by.

Mirum Music Festival. Cudy pačynajucca tut.

• 0
• 0
• 0
• 0
• 0
• 0
• 0
• 0