Cinoptyki raspaviali pra śmierč, jaki abrynuŭsia na Šarkaŭščynu
11 lipienia pa poŭnačy Biełarusi praniośsia mahutny śmierč. U vyniku ŭ niekalkich rajonach Viciebskaj vobłaści (najpierš — u Šarkaŭščynskim) byli sarvanyja dachi žyłych i haspadarčych pabudovaŭ, pierakulenyja krany, aŭtamabili, paciarpieli try čałavieki.
Cmierč u Šarkaŭščynskim rajonie: sarvanyja dachi, pierakulenyja krany, vybityja šyby FOTA, VIDEA
Pa słovach hałoŭnaha sinoptyka Respublikanskaha centra pa hidramietearałohii, kantrolu radyjeaktyŭnaha zabrudžvańnia i manitorynhu navakolnaha asiarodździa Minpryrody Śviatłany Rybakovaj, u rajonie mieteastancyi Viciebskaj vobłaści viecier dasiahaŭ 16 mietraŭ za siekundu. Ale ŭ samim epicentry tarnada chutkaść mahła dasiahać 30-ci mietraŭ za siekundu (108 km u hadzinu).
Na dumku śpiecyjalista, toje, što ŭ apošni čas śmierč — nie taki redki hość u Biełarusi, źviazana z paciapleńniem klimatu.
Rybakova: «Śmierč ci tarnada — heta źjava, charakternaja dla bolš paŭdniovych šyrotaŭ. Sama pa sabie jana vielmi łakalnaja. A pakolki 11 lipienia śmierč vyjšaŭ na terytoryju pasiołka — tamu takija razbureńni. Kali b jon prajšoŭ pa niejkim poli ci lesie, heta było b nie tak zaŭvažna: skruciła b uradžaj ci pałamała drevy. Akurat letaś u Homielskaj vobłaści taksama byŭ zafiksavany śmierč, ale ŭ mienšych maštabach: jon prajšoŭsia pa poli».
U bližejšyja dni ŭ Biełarusi praciahnucca navalnicy i mocnyja daždžy, u asobnych rajonach mahčymy hrad i mocny paryvisty viecier.
-
Paśla šaści hadoŭ źniavoleńnia vyjšaŭ na svabodu pinski palitviazień Ihar Sałaviej
-
Pratasievič adkazaŭ Statkieviču i NN: Majo sumleńnie čystaje. A pra trusy majoj abrańnicy pračytajuć bolš, čym pra ŭsiemahčymyja Kaardynacyjnyja rady
-
Pamiatajecie žančynu, jakuju padmanuli rasijskija turysty? Kampanija, jakaja tut ni pry čym, prapanavała joj kampiensacyju
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary