Latučy ŭniviersitet abviaščaje nabor na novuju prahramu i zaprašaje na imprezu

Myśleńnie — prastora, pa jakoj niemahčyma chadzić adnamu. Tut patrebnyja paplečniki, kalehi, apanienty, krytyki, siabry i vorahi. Chto jość chto, jakuju z pazicyj pryniać, dzie praŭda, a dzie mana, što abrać — nieviadomuju ściežku ci prakładzieny šlach? Paddaŭšysia spakusie hetaha fantastyčna cikavaha padarožža, chtości adrazu budzie šukać Nastaŭnika, chtości — spačatku dobruju kampaniju… Pastupova pryjdzie da razumieńnia taho, što ŭ hetym padarožžy musić znajści pierad usim siabie, svaju identyčnaść, svajo razumieńnie Času i Prastory…

Latučy ŭniviersitet ad pačatku isnavańnia pazycyjanavaŭ siabie jak prastora myśleńnia i supolnaść — pierad usim, i tolki potym — jak adukacyjnyja kursy i škoły. Jon sprabavaŭ paznačyć siabie praz šerah ambitnych, časam pravakatyŭnych, a časam niezrazumiełych vobrazaŭ: «Univiersitet nie dla studentaŭ», «Univiersitet hulni», «Asabistaja trajektoryja ŭ volnaj adukacyjnaj prastory i piedahohika ideała» i h.d. U hetym pošuku ŭniviersitet sprabuje paznačyć siabie dla tych, kaho cikaviać nie dypłomy i prestyžnyja prafiesii, a aktualnyja i ŭnikalnyja napramki sučasnaj biełaruskaj dumki, roznyja padychody ŭ myśleńni, humanitarnych i intelektualnych praktykach, chto šukaje svajho Nastaŭnika.

Latučy ŭniviersitet u stałym ruchu i stałym pošuku, tamu kožnaja novaja prahrama, z adnaho boku, praciahvaje dobryja tradycyi, ale, razam z tym, i sprabuje paznačyć novyja akcenty, zychodziačy z aktualnaj situacyi i patrebaŭ času, vyklikaŭ źniešnich i ŭnutranych.

Ci varta pajści hetym šlacham? Na čym zasiarodžvaje ŭvahu supolnaść u hetym hodzie? Jakija mahčymaści prapanuje novaja prahrama? I jaki jon nasamreč — Latučy ŭniviersitet?

U miežach Tydnia biełaruskaha myśleńnia Latučy ŭniviersitet zaprašaje da sumoŭja «Latučy viadomy i nieviadomy», dzie Vy daviedajeciesia pra roznyja baki žyćcia i dziejnaści Latučaha z «pieršych vusnaŭ». Pra ŭnikalnuju prastoru supolnaha myśleńnia, adukacyi i raźvićcia, a taksama pra płany na bližejšy navučalny hod raspaviaduć Siabry supolnaści Latučaha — lektary, stałyja ŭdzielniki kursaŭ, Škołaŭ i sieminaraŭ. U imprezie prymajuć udzieł: Uładzimir Mackievič i Pavieł Barkoŭski, Ihar Babkoŭ i Viačasłaŭ Babrovič, Iryna Dubianieckaja i Taciana Vadałažskaja, Michaił Bajaryn, Aleh Dziarnovič i Ivan Viadzienin, Aksana Šelest, Andrej Šutaŭ, Julija Halinoŭskaja dy inš.

Vystupoŭcy buduć hotovyja adkazać na ŭsie Vašyja pytańni, jakija, darečy, Vy možacie dasłać zaranioŭ, zajšoŭšy pa spasyłcy «Zadajcie pytańnie Latučamu».

Impreza adbudziecca 19 vieraśnia a 20.00 u zali Korpus 8 (Mašerava, 9). Zaprašajucca ŭsie zacikaŭlenyja!

Papiarednie paznajomicca z novaj prahramaj možna na sajcie Latučaha ŭniviersiteta.

• 0
• 0
• 0
• 0
• 0
• 0
• 0
• 0