«Halereja Ŭ» (pr-t Niezaležnaści, 37a). 17:00. Uvachod volny.
«My dobryja ŭ hetym śviecie nastolki, nakolki śviet znachodzicca ŭ nas, — jak sproba jaho samavyjaŭleńnia i razam z tym pole našych maralnych vyprabavańniaŭ».
Z knihi Ł. Donskisa «Małaja mapa dośviedu: pradčuvańni, maksimy, afaryzmy»
Jaho možna było b nazvać «kamiertonam sučasnaści», bo ŭ svaich knihach i intervju jon staviŭ čytača pierad nieabchodnaściu zadumacca pra krytery adroźnieńnia sapraŭdnaha zła ad banalnych svarak, trahiedyi ad druhasnych epizodaŭ sacyjalnaha žyćcia. Analizujučy źmienlivuju i tryvožnuju sučasnaść, jon staraŭsia akcentavać uvahu na sutnasnych rečach, jakija vielmi časta zastavalisia pa-za ŭvahaj palitykaŭ, palitołahaŭ, žurnalistaŭ. Atamizacyja, frahmientacyja, adzinota, izalacyja i jak vynik hetaha — maralnaja ślepata, strata maralnaj i etyčnaj adčuvalnaści… Voś tyja niebiaśpieki, jakija pahražajuć čałavieku ŭ śviecie łakalnych kanfliktaŭ, infarmacyjnaha šumu, što stvarajuć miedyja i sacyjalnyja sietki. Padmacavanyja praktykaj i dziejnaściu ŭ miežach Jeŭrapiejskaha Parłamientu, jahonyja idei i razvažańni pradstaŭlajuć «małuju mapu ŭłasnaha dośviedu» i stanoviacca dla nas fiłasofskaj prapanovaj razumieńnia hetaha śvietu i miesca čałavieka ŭ im.
Latučy ŭniviersitet i Mižnarodny kansorcyum «JeŭraBiełaruś» u miežach cykła «Ujaŭlajučy Biełaruś: idei i vobrazy dla supolnaj budučyni» zaprašajuć na publičnuju lekcyju pamiaci vybitnaha litoŭskaha fiłosafa, intelektuała, palityčnaha i hramadskaha dziejača Leanidasa Donskisa.
Pra jaho idei i dziejnaść my razvažajem razam z prafiesaram Univiersiteta Vitaŭta Vialikaha (Koŭna, Litva) Ruścisam Kamuntavičusam.
Lekcyja «In memoriam L. Donskis: fiłasofskija idei i publičnaja palityka» adbudziecca 29 kastryčnika a 17.00 u halerei Ŭ (pr-t Niezaležnaści, 37a). Uvachod volny!
Bolš infarmacyi pra hetuju i inšyja publičnyja lekcyi Latučaha ŭniviersiteta možna znajści na sajcie.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava3
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3737
Kamientary