Aficyjna: na «baciušku sa svastykaj» zaviali kryminalnuju spravu za zachoŭvańnie bojeprypasaŭ
Pra heta paviedamiła aficyjny pradstaŭnik Śledčaha kamiteta Julija Hančarova.
Pa hetym artykule Kanstancinu Burykinu pahražajuć papraŭčyja raboty terminam da dvuch hadoŭ, abo aryšt terminam da šaści miesiacaŭ, abo abmiežavańnie voli terminam da piaci hadoŭ, abo pazbaŭleńnie voli terminam da siami hadoŭ z kanfiskacyjaj ci biez kanfiskacyi majomaści.
Jak stała viadoma «Našaj Nivie» 22 listapada, niekalki dzion tamu byŭ zatrymany pravasłaŭny śviatar z Hatava Kanstancin Burykin.
Zatrymańnie, pa niepaćvierdžanaj infarmacyi, adbyłosia ŭ piatnicu, pa jahonym prylocie z ZŠA, dzie jon znachodziŭsia pa linii Fiederacyi paŭerliftynhu. Zatrymlivała jaho, imavierna, HUBAZiK Ministerstva ŭnutranych spraŭ.
Burykin byŭ viadomy z časoŭ svajoj aktyŭnaści ŭ nieanacysckaj arhanizacyi «Ruskaje nacyjanalnaje adzinstva», abo RNIE.
U 2014 hodzie staŭsia skandał, kali raskryłasia, što ŭ śviatara z tych časoŭ na plačy zastajecca svastyka. Tady Burykin u intervju ŚMI adroksia svaich byłych zachapleńniaŭ.
Pry hetym jon zachoŭvaŭ kantakty z prarasijskaj arhanizacyjaj «Rumoł», na bazie jahonaha prychodu hetaja supołka pravodziła spabornictvy.
Zatrymany «baciuška sa svastykaj» Kanstancin Burykin
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»6
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary