Davydźka znoŭ abmiarkoŭvaŭ artykuł «Našaj Nivy». Ale nie z redaktaram «NN», a z kiraŭnikom «Rumoła»
Staršyni Biełteleradyjokampanii Hienadziu Davydźku ŭsio jašče nie dajuć spakoju daśje na biełaruskich «zachodnierusistaŭ», apublikavanyja ŭ listapadaŭskim numary «Našaj Nivy».
Hazieta źjaviłasia ŭ prodažy ŭ pačatku listapada, tady ž Davydźka pryśviaciŭ joj dobruju častku svajho «Kłuba redaktaraŭ».
I voś ciapier kiraŭnik BT vyrašyć viarnucca da jaho.
Pryčym, nasupierak łohicy, u studyi artykuł «Našaj Nivy» znoŭ abmiarkoŭvali biez redaktara «NN». Zamiest hetaha hościem byŭ kiraŭnik… prarasijskaj arhanizacyi «Rumoł» Siarhiej Łušč, jaki nie kiruje nijakim ŚMI. Heta adzin z tych, chto byŭ uklučany ŭ śpis tych, chto bačyć Biełaruś Zachodniaj Rasijaj.
Inšy ŭdzielnik, aproč tradycyjnych Davydźki i Paŭła Jakuboviča, redaktar časopisa «Nioman» Alaksiej Čarota (syn piśmieńnika-słavianafiła Ivana Čaroty).
«U hetym śpisie, Siarhiej, vaša «Ruś maładaja». Vy praŭda chočacie demantavać suvierenitet? Kali vy suprać suvierenitetu, ja vas paprašu pakinuć studyju!» — pažartavaŭ Davydźka.
Łušč zapeŭniŭ, što hetyja abvinavačvańni absurdnyja.
«Ja hramadzianin Biełarusi, ale ja ruski pa nacyjanalnaści», — pačaŭ tłumačyć jon. Łušč miarkuje, što bajavyja dziejańni na terytoryi Ukrainy — śledstva takich publikacyj «rasstrelnych śpisaŭ». Jon ubačyŭ nahodu źviarnucca ŭ sud na «NN», ale rabić hetaha nie budzie, kab nie rabić dadatkovuju rekłamu.
Łušč zajaviŭ, što adnojčy źviartaŭsia da «NN», ale ŭbačyŭ, što «ŭ ludziej vyraznaja zambiravanaja pazicyja».
Paśla kiraŭnik «Rumoła» patłumačyŭ mety dziejnaści svajoj arhanizacyi — prasoŭvańnie ruskaj kultury i ruskaj movy.
Hety tezis nie zrazumieŭ navat Davydźka. «Prablem z prasoŭvańniem ruskaj kultury i ruskaj movy ŭ Biełarusi niama», — zaŭvažyŭ jon.
Jakubovič ža ŭdakładniŭ, što ŭ Biełarusi našmat bolš baluča staić pytańnie ź biełaruskaj movaj.
Na ŭsio pavinien być biełaruski punkt hledžańnia, padsumavaŭ redaktar «Sovietskoj Biełoruśsii».
Bližejšym časam buduć vyzvaleny bolš za 150 palitźniavolenych39
Kamientary