Nadzieja Saŭčanka praviała ŭ Minsku tajemnyja pieramovy ź lidarami «Navarosii»
U Minsku prajšli tajemnyja pieramovy pamiž ukrainskaj deputatkaj Nadziejaj Saŭčankaj i lidarami «ŁNR» i «DNR» Płatnickim i Zacharčankam.
Jak stała viadoma «Našaj Nivie» z ułasnych krynic, sustreča Saŭčanki ź lidarami sieparatystaŭ adbyłasia ŭ hateli «Viktoryja» 7 śniežnia pry pavyšanaj kolkaści supracoŭnikaŭ u cyvilnym na prylehłaj terytoryi, haściej pryvieźli na mašynach z dypłamatyčnymi numarami.
Chto byŭ udzielnikam tajemnych pieramovaŭ?
Tam byŭ Alaksandr Zacharčanka, Ihar Płatnicki, niechta Michaił Bałujeŭ i Andrej Škraba, taksama Uładzimir Ruban. Apošni — kiraŭnik «Centra vyzvaleńnia pałonnych HA «Aficerski korpus».
Jak paviedamili nam krynicy, za Saŭčanku i Rubana ŭ restaranie «Viktoryi» płaciŭ Škraba, za Zacharčanku i Płatnickaha — Bałujeŭ.
Niekatoryja ŭkrainskija vydańni vinavaciać Saŭčanku ŭ dziejańniach, što piarečać dziaržaŭnym intaresam Ukrainy va ŭhodu ŭłasnaj palityčnaj hulni. Chtości nakručvaje svajakoŭ pałonnych, što kijeŭskija ŭłady nie akazvajuć chłopcam nijakaj dapamohi, tamu treba cisnuć na ich, kab damahčysia naŭprostavych pieramovaŭ pamiž kijeŭskimi ŭładami i kiraŭnikami maryjanietkavych «dziaržaŭ», piša Liha.net.
Fakt tajemnaj sustrečy ŭ Minsku vyklikaŭ abureńnie ŭkrainskich dypłamataŭ, sama Saŭčanka sustreču nijak nie kamientuje, adznačaje Liha.net.
Ciapier čytajuć
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie22
Kamientary