Barak Abama pravioŭ apošniuju pres-kanfierencyju. Jon u tym liku raspavioŭ, čym budzie zajmacca paśla sychodu ź Biełaha doma, piša Bi-bi-si.
«Ja krychu chaču pabyć u cišyni i niekatory čas nie słuchać pastajanna, što ja kažu», — skazaŭ Abama.
Pry hetym jon adznačyŭ, što parušyć maŭčańnie, kali daviadziecca abaraniać «praŭdzivyja kaštoŭnaści».
Siarod takich prablem Abama nazvaŭ «sproby prymusić zamaŭčać palityčnych apanientaŭ i akazać cisk na presu», stvareńnie pieraškod dla hałasavańnia, a taksama sproby vysłać z krainy nielehalnych imihrantaŭ, jakija dziećmi pryjechali ŭ ZŠA.
Adrazu paśla inaŭhuracyi Donalda Trampa ŭ piatnicu Abama ź siamjoj adpraviacca ŭ adpačynak u kurortny haradok Pałm-Sprynhs u Kalifornii.
Paśla pierajezdu ź Biełaha doma Abama, jaho žonka Mišel i dočki Malija i Saša buduć žyć u Vašynhtonie. Jak skazaŭ Abama, siamja zastajecca ŭ Vašynhtonie, pakul małodšaja dačka Saša nie zakončyć škołu. Starejšaja dačka Malija vosieńniu pačnie vučycca ŭ Harvardskim univiersitecie.
Inaŭhuracyja novaha prezidenta Donalda Trampa zapłanavana na zaŭtra, 20 studzienia.
-
Ministra sielskaj haspadarki Kitaja prysudzili da śmiarotnaha pakarańnia
-
Džej Dzi Vens: Rasijanam treba pračnucca i źmirycca z realnaściu. Rašeńnie pra «Tamahaŭki» prymie Tramp
-
Brytanski palityk pryznaŭsia, što braŭ chabar za prasoŭvańnie rasijskich naratyvaŭ. Jaho sprava ŭskryła miechanizm, jak heta robicca
Kamientary