Padletka, jaki nazvaŭ biełaruskuju movu «miortvaj», pryciahvać da adkaznaści nie buduć
Pra heta paviedamiła «Našaj Nivie» zahadčyca adździeła ideałahičnaj pracy, kultury i pa spravach moładzi Salihorskaha rajvykankama Taćciana Kirbaj.
«Užo vyniesienaja pastanova ab spynieńni spravy ab administracyjnym pravaparušeńni ŭ suviazi z adsutnaściu składu pravaparušeńnia», — prakamientavała Taćciana Kirbaj.
Ihar Słučak z rašeńniem nie zhodny, pakolki padobny precedent užo zdaraŭsia raniej i linhvistyčnaja ekśpiertyza, jakuju pravioŭ prafiesar Homielskaha dziaržaŭnaha ŭniviersiteta imia Francyska Skaryny Uładzimir Koval, vyrazna pakazała, što nazyvać biełaruskuju movu «miortvaj» — heta abraza.
«Vidavočna, što žyvaja biełaruskaja mova, jakaja aktyŭna vykarystoŭvajecca miljonami nośbitaŭ jak na terytoryi Biełarusi, tak i za jaje miežami, vyznačajecca aŭtaram jak miortvaja, niežyvaja. Dadzienaje vykazvańnie supiarečyć nie tolki rečaisnaści, ale i źjaŭlajecca abraźlivym dla nośbitaŭ biełaruskaj movy — dziaržaŭnaj movy Respubliki Biełaruś, zhodna z artykułam 17 Kanstytucyi», — tłumačyŭ movaznaŭca.
Piśmovy adkaz z rajvykankama Słučak jašče nie atrymaŭ.
«Mianie hetaje rašeńnie nie zadavalniaje. Ja absalutna ŭpeŭnieny, što razhlad byŭ nieabjektyŭnym, — kaža Ihar Słučak. — Ja liču, što pytańnie, žyvaja ci miortvaja biełaruskaja mova, zastajecca adkrytym. Upeŭnieny, što heta abraza. Heta ličyć abrazaj i homielski sud, i kafiedra ruskaha, ahulnaha i słavianskaha movaznaŭstva Homielskaha dziaržaŭnaha ŭniviersiteta, što pravodziła linhvistyčnuju ekśpiertyzu pa padobnaj spravie. Na žal, Salihorski rajvykankam padyšoŭ da spravy, na maju dumku, praduziata ci prosta nieprafiesijna».
Ihar dadaje, što navat kali bracca abskardžvać pastanovu rajvykankama znoŭ, to chłopca ŭžo nie ŭdasca pryciahnuć da adkaznaści, pakolki ŭsie terminy vyjšli 12 červienia.
Nahadajem, što šura-bura pačałasia jašče ŭ krasaviku, kali ŭ supołcy Ukantakcie źjaviŭsia nieadnaznačny kamientar pra biełaruskuju movu.
Ihar Słučak źviartaŭsia ŭ rajvykankam, kab chłopca pryciahnuli da adkaznaści za abrazu movy. Paśla taho, jak u rajvykankamie vyrašyli, što padstaŭ dla pryciahnieńnia da adkaznaści niama, Słučak źviarnuŭsia ŭ prakuraturu. Adtul pryjšoŭ adkaz, što rajvykankamu daručyli padrychtavać spravu ab administracyjnym pravaparušeńni da razhladu. Adnak pieršapačatkovaje rašeńnie rajvykankam nie źmianiŭ.
Ihar Słučak pasvaryŭsia z pałovaj internetu praz chvoraha padletka, jaki nazvaŭ biełaruskuju movu «miortvaj»
Prakuratura na baku Słučaka: rajvykankamu daručyli padrychtavać spravu za abrazu movy padletkam
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary