Da 11 hadoŭ pazbaŭleńnia voli: u Minsku vynieśli prysud pavodle rezanansnaj spravy ašmianskich mytnikaŭ

Samaje surovaje pakarańnie atrymaŭ były mytnik, a paśla biznesmien Harnik Sarumianc — 11,6 hadoŭ uzmocnienaha režymu. U jaho budzie kanfiskavana 1,8 miljona dalaraŭ, znojdzienych pad vannaj u kvatery, paviedamlaje Tut.by.

Alaksandr Haralski, eks-načalnik PTA «Kamienny Łoh», atrymaŭ 6 hadoŭ pazbaŭleńnia voli. Viktar Falevič, eks-načalnik punktaŭ «Kamienny Łoh», «Hudahaj» i «Katłoŭka» - 7,7 hoda. Były načalnik punkta mytnaha afarmleńnia «Kamienny Łoh» Ihar Vysocki - 8 hadoŭ. Mytniki Łapševič, Horbal, Karpovič, Jermałajeŭ prysudžanyja da 6 hadoŭ, Bašłykievič - da 7,6 hoda, Popčanka - da 5 hadoŭ. Šmat u kaho buduć kanfiskavanyja aŭto i hrošy.

U asnoŭnym, fihuranty spravy atrymali ad 5 da 8 hadoŭ Juryj Kavalčuk i Ihar Bubnoŭ, jakija nie pryznali vinu, asudžanyja na 5 i 6 hadoŭ adpaviedna. Bukiel atrymaŭ piać hadoŭ chimii

Adzinuju abvinavačvanuju žančynu Maroz prysudzili da 6 hadoŭ pazbaŭleńnia voli. Da suda jana znachodziłasia doma, na abviaščeńnie prysudu taksama pryjšła z torbaj. Litoŭskamu biznesmienu Turajevu dali štraf — jak 2000 bazavych (46 tys. rubloŭ), jon vychodzić na volu.

Biełaruski biznesmen Revaka z Astraŭca prysudžany da chatniaj chimii.

Sud taksama vynies pradpisańnie KDB, jaki rasśledavaŭ spravu. U sudździ jość pretenzii da jakaści viadzieńnia kryminalnaj spravy. Akramia taho, jašče adno pradpisańnie vyniesiena Mytnamu kamitetu, jaki zmoh dapuścić heta złačynstva.

Pavialičyć

Pierad tym jak vyjści ŭ daradčy pakoj, sud trojčy vysłuchoŭvaŭ apošniaje słova abvinavačanych, ich abaroncy stolki ž razoŭ vystupali ŭ sprečkach. Dziaržabvinavaŭca adrazu zapatrabavaŭ dosyć surovaje pakarańnie dla fihurantaŭ — da 12,5 hadoŭ pazbaŭleńnia voli. Vysłuchaŭšy prakurora, za ličanyja dni niekatoryja abvinavačanyja znajšli hrošy i pahasili ŭron. Da prykładu, dvoje fihurantaŭ zapłacili prykładna pa 120 tysiač dalaraŭ, adzin — 90 tysiač, jašče adzin - 60 tysiač. Advakaty paprasili dałučyć kvitancyi da materyjałaŭ kryminalnaj spravy i ŭličyć heta pry vyniasieńni pakarańnia. I prakuror uličyŭ. Jon zapatrabavaŭ novaje pakarańnie, mienš surovaje, «prybraŭšy» pa niekalki hadoŭ dla tych, chto raskajaŭsia i zapłaciŭ.

***

Hučny praces u Minskim abłasnym sudzie pačaŭsia ŭ listapadzie 2016 hoda. Na łavie padsudnych amal usia viarchuška ašmianskaj mytni, a taksama dva biźniesmieny - Turajeŭ ź Vilni i Revaka z Astraŭca. Adnych abvinavačvajuć pa č.3 art. 430 KK «Atrymańnie chabaru ŭ asabliva bujnym pamiery», inšych - pa č.2 art. 431 «Davańnie chabaru».

Pavialičyć

Pavodle viersii śledstva, z 2010 hoda pa 2015-y supracoŭniki mytni atrymlivali chabar za toje, što chutka i bieśpieraškodna prapuskali praź miažu mašyny z kvietkami. U sprečkach advakaty prasili prybrać z abvinavačańnia č.3 art. 430 KK «Atrymańnie chabaru ŭ asabliva bujnym pamiery, albo arhanizavanaj hrupaj». Abaroncy ŭpeŭnieny: nijakaj arhanizavanaj hrupy nie było, kožny dziejničaŭ sam pa sabie. Sami ž abvinavačvanyja kazali, što doma ich čakajuć žonki, dzieci, staryja baćki i prasili nie pazbaŭlać voli.

Bolš za ŭsio da siabie ŭvahi ŭ pracesie pryciahvaŭ Harnik Sarumianc. Niekalki hadoŭ tamu jon pajšoŭ z mytni, staŭ biznesoŭcam. Mienavita ŭ Harnika ŭ časie pieratrusu znajšli pad vannaj 1,8 miljony dalaraŭ. Pa viersii śledstva, mienavita z Sarumianca ŭsio pačałosia i jon staŭ arhanizataram hrupy. Sam mužčyna nie admaŭlaje: jon davaŭ chabar mytnikam, ale hrupaj nie kiravaŭ, a 1,8 miljony dalaraŭ nie jaho, a znajomaha, jaki ciapier abvieščany ŭ vyšuk.

• 0
• 0
• 0
• 0
• 0
• 0
• 0
• 0