U Kijevie ŭšanavali pamiać Alesia Čarkašyna i Vitala Ciliženki, jakija zahinuli na Danbasie FOTA
U Kijevie na vulicy Biełaruskaj biełaruskija i ŭkrainskija aktyvisty ŭšanavali pamiać biełarusa Alesia Čarkašyna i ŭkrainca Vitala Ciliženki, jakija dva hady tamu zahinuli na Danbasie.
«Vital Ciliženka zahinuŭ u bai pad Starahnataŭkaj Vałnavachskaha rajonu, a Aleś byŭ paranieny, bolš jak dva tydni zmahaŭsia za svajo žyćcio i pamior 28 žniŭnia ŭ Zaparoskim špitali», — skazaŭ Vadzim Kabančuk, jaki taksama tady zmahaŭsia ŭ šerahach bataljonu «Dobraachvotnicki ŭkrainski korpus».
Vadzim Kabančuk dadaŭ, što Aleś Čarkašyn atrymaŭ u adnoj z navučalnych ustanovaŭ Chersonu dyplom teolaha i planavaŭ zajmacca misijanerskaj dziejnaściu. «Aleś byŭ dla mianie takim peŭnym duchoŭnym uzoram — upeŭnienym, mocnym čałaviekam. Jon zaŭsiody paśmichaŭsia, a ŭ jahonych rukach zaŭsiody była hitara. Jon byŭ viasiołym vierujučym chłopcam, i nia vieryłasia, što ź im niešta moža zdarycca», — dadaŭ jon.
Siońnia na imprezie hučali pieśni Alesia Čarkašyna.
«Biełarusy baroniać niezaležnaść Ukrainy, bo majuć na ŭvazie, što niezaležnaść Biełarusi taksama siońnia ŭ vialikaj niebiaśpiecy», — adznačyła ŭ svaju čarhu liderka Biełaruskaha centru «Siabry» Halina Saročyk.
Siońnia ž kala memaryjalnaj doški ŭ honar Alesia Čarkašyna, Vitala Ciliženki dy Michasia Žyźnieŭskaha ŭkrainski mastak Taras Nosar prezentavaŭ svaju novuju karcinu, pryśviečanuju biełarusam, jakija ŭ studzieni 2015 hodu ŭźniali ŭ Piaskach bieł-čyrvona-bieły ściah.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary