Isnuje suviaź pamiž seksualnaj pazicyjaj i ciažkaściu pierałomu pałavoha člena ŭ vypadku, kali jon adbyvajecca.
Navukovaja praca pra heta apublikavanaja ŭ časopisie Journal of Impotence Research, koratka pra daśledavańnie raspaviadaje Tut.by sa spasyłkaj na IFLScience.
Daśledčyki razhledzieli 90 vypadkaŭ pierałomu pałavoha člena u mužčyn va ŭzroście ad 18 da 66 hadoŭ. U bolšaści vypadkaŭ pryčynaj była traŭma, atrymanaja padčas intymnaj blizkaści. Navukoŭcy supastavili stupień ciažkaści paškodžańnia z tym, u jakoj pazicyi pacyjenty zajmalisia seksam da pierałomu.
Najbolš ciažkimi akazalisia traŭmy, atrymanyja ŭ pozach «pa-sabačamu» i «mužčyna źvierchu» — ź imi čaściej byli źviazanyja dvuchbakovyja pierałomy i paškodžańni močaspuskalnaha kanała. Z pazicyjaj «žančyna źvierchu» i masturbacyjaj byli źviazanyja mienš ciažkija paškodžańni.
U 25,5% vypadkaŭ pierałomu partniory znachodzilisia ŭ pozie «mužčyna źvierchu». Najbolšaja ž kolkaść mužčyn, jakija trapili da miedykaŭ z traŭmaj, zajmalisia seksam u pozie «pa-sabačy» — takich byŭ 41%.
Pierałom pałavoha člena — paškodžańnie, vyklikanaje razryvam abałonki, jakaja pakryvaje napoŭnienyja kryvioju piačorystyja cieły. Zvyčajna jano ŭźnikaje pry ŭžyvańni fizičnaj siły da uzbudžanaha pałavoha člena. Takaja traŭma patrabuje nieadkładnaj miedycynskaj dapamohi.
Kamientary