Historyju navahrudskaha hieta asabliva časta stali ŭzhadvać u apošnija hady, kali stała viadoma, što praź jaho prajšli i adsiul ŭciakli ŭ partyzany svajaki daradcy prezidenta ZŠA i jaho ziacia Džareda Kušniera.
Skulpturnaja kampazicyja ŭjaŭlaje saboj fihuru dziaŭčynki ŭ kaściumie anioła i dreva žyćcia z adsiečanymi halinami.
«Heta pamiatny znak dziciaci, jakomu vielmi chočacca žyć. I zaraz dziaŭčynka budzie žyć viečna, bo jana staić pobač z drevam žyćcia», — patłumačyła zadumu adna z kurataraŭ prajekta krajaznaŭca Tamara Viaršyckaja.
Pavodle jaje słoŭ, unikalnaść hetaha pomnika, pierš za ŭsio, u tym, što inicyjataram jaho stvareńnia staŭ miascovy žychar. Da hetaha času hrošy na ŭviekaviečańnie pamiaci davali tolki zamiežniki: Muziej habrejskaha supracivu ŭ Navahradku stvaraŭsia za srodki jeŭrapiejskaha fondu i achviaravańni brytanskaha paddanaha, a ŭ minułym adnaho ź viaźniaŭ Navahrudskaha hieta Džeka Kahana. Sad spraviadlivaści i miłasernaści finansavaŭ niamiecki fond. Narešcie, baćka ziacia Trampa Džareda Kušniera Čarlz pieraličvaje hrošy na stvareńnie jašče adnaho manumienta. I voś zaraz svaje asabistyja srodki ŭ historyju trahiedyi ŭkłaŭ i biełarus: hetym razam da spravy spryčyniŭsia miascovy pradprymalnik Siarhiej Koval.
Ciapier čytajuć
Kab nie płacić padatak na sabak, minčuki pačali zdavać ich u punkty adłovu31
Kamientary