Samsung raspracavała hrafienavyja akumulatary, jakija zaradžajucca ŭ piać razoŭ chutčej. Što heta?
Śpiecyjalisty daśledčaha padraździaleńnia Samsung prydumali, jak pavysić jomistaść lityj-ijonnych akumulataraŭ z dapamohaj hrafienu i ŭ razy pavialičyć chutkaść zaradki.
Dla palapšeńnia charaktarystyk akumulatara daśledčyki Samsung prapanujuć pakryvać katod tak zvanymi hrafienavymi šarykami, jakija nahadvajuć pa struktury papkorn i vyroščvajucca na nanačaścicach aksidu kremnija.
Hrafien pravodzić elektryčnaść u 140 razoŭ lepš za kremnij, što dazvalaje paskoryć zaradku akumulataraŭ u piać razoŭ. Navukoŭcy dadajuć, što jomistaść novych batarej budzie na 45% vyšejšaj u paraŭnańni ź isnujučymi rašeńniami.
Technałohija moža zrabić revalucyju i ŭ elektramabilebudavańni, značna pavialičyŭšy praciahłaść choda elektramabila na adnym zaradzie.
Tym časam kitajski startap WPG užo pradaje partatyŭnyja hrafienavyja akumulatary, praŭda, zamiest pieršapačatkova zajaŭlenych 10 chvilin, poŭnaja zaradka madeli na 5000 mAh zajmaje 15 chvilin, a ŭ vypadku ź viersijaj na 10 000 mAh — paŭhadziny. Košty ŭ Kitai składajuć kala $40 i $60 adpaviedna, što na tle inšych madelaŭ vyhladaje dosyć doraha.
Hrafien — madyfikacyja vuhlarodu ŭ formie płastoŭ taŭščynioj u adzin atam, raźmieščanych u vyhladzie sota-padobnaj rašotki.
Hrafien možna ŭjavić jak adnu płoskaść hrafitu, adździelenuju ad abjomnaha kryštala. Hrafien vałodaje vialikaj miechaničnaj žorstkaściu, rekordna vialikaju ciepłapravodnaściu i razhladajecca jak samy pierśpiektyŭny materyjał dla vykarystańnia ŭ nanaelektronicy budučyni.
-
Nazad da ručki i zabarona na smartfony: univiersitety vymušanyja źmianiać farmat zaniatkaŭ i kantrolnych, inakš ŠI nie daje ni vučyć, ni pravieryć
-
Google zapuściła Gemini 3.5 Transcribe dla rasšyfroŭki movy. U śpisie jość i biełaruskaja
-
Cim Kuk raźvitaŭsia z pasadaj hienieralnaha dyrektara Apple paśla 15 hadoŭ kiraŭnictva
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary