11 krasavika ŭ Minsku buduć uznaharodžanyja pieramožcy 10-ch štohadovych ŭznaharod Experty.by lepšym biełaruskim albomam pa hałasach biełaruskich i zamiežnych muzyčnych žurnalistaŭ. Arhanizatary abviaścili naminantaŭ, siarod jakich pracy masavych artystaŭ i małaviadomych šyrokamu słuchaču muzykaŭ.
U žury hetaha hodu 17 biełaruskich žurnalistaŭ i błohieraŭ, a taksama 5 zamiežnych krytykaŭ — pradstaŭnikoŭ miedyja-resursaŭ krain, ź jakimi miažuje Biełaruś: Alaksiej Horbaš (The Flow, Rasija), Maksim Siardziuk (Muzmapa, Ukraina), Jan Błaščak (Polityka, Polšča), Iłmars Šłapińš (Satori, Łatvija), Emilija Visackajte (15min, Litva). Ankiety ŭsich siabroŭ žury buduć apublikavanyja paśla cyrymonii.
— Za hod štatnyja ekśpierty pasłuchali 240 biełaruskich albomaŭ, vydadzienych u 2017 hodzie. 33 ź ich byli adrecenzavanyja i patrapili na acenku ŭsiaho składu žury. Karcinka atrymałasia strakataj i heta dobra, — adznačaje kiraŭnik prajekta Experty.by Źmicier Biezkaravajny.
Uznaharody buduć uručanyja ŭ 11 naminacyjach. Dakładny śpis pretendentaŭ abvieščany ŭ 5 ź ich: «Lepšy debiutny albom», «Lepšy rok-albom», «Lepšy pop-albom», «Lepšy fołk-albom», «Lepšy elektronny albom». Hetyja ž dyski pretendujuć na pieramohu ŭ asatnich naminacyjach («Lepšy albom hoda», «Lepšy biełaruskamoŭny albom», a taksama pryzy pa viersijach čatyroch žury). Usich naminantaŭ uznaharod možna pasłuchać u miežach admysłovaj składanki.
Hałoŭnaja naminacyja — «Lepšy albom hoda». Jaje pieramožca atrymaje ŭ jakaści pryza rekłamna-infarmacyjnuju padtrymku kancerta ad hienieralnaha partniora.
Anałahičny pryz u naminacyi «Lepšy biełaruskamoŭny albom» pradstavić fond «Viartańnie». Vystupy pavinny adbycca da 1 červienia 2018 hoda. U minułyja hady ŭznaharodu «Lepšy albom hoda» vyjhravali «Pietla pristrastija» (2017), Shuma (2016), Port Mone (2015), Pukstband (2014).
Naminanty:
«Lepšy diebiutny albom»: Ania Ždanava «Appetiizer», The Glitchhh «Cordyceps», Ulyanica «Viasna»
«Lepšy pop-albom»: ŁSP «Tragic City», Maks Korž «Małyj pozvrośleł, č.2», Naviband «Illuminacija»
«Lepšy elektronny albom»: Ania Ždanava «Appetiizer», Vilasipet «Vriemiena hoda», Buben Naruszewicz Baisan «Bulbahuana»
«Lepšy rok-albom»: Super Besse «La Nuit*», Tonqixod «Koler, jakoha niama», Zero-85 «Turriptopsis Nutricula»
«Lepšy fołk-albom»: Roznyja artysty «Pieśni matčyny z Vušaččyny», Stary Olsa «Vada, chmiel i soład», Ulyanica «Viasna»
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary