Namieśnik kiraŭnika bresckaha BRSM: Uščerbnyja ŚMI nazyvajuć «Nieśmiarotny połk» paradam niekrafilii
Pa ŭsioj Biełarusi sprabujuć pravieści akcyju «Nieśmiarotny połk». Minskija arhanizatary prosiać nie śviacić čas i miesca ŭ aficyjnych krynicach, chacia sami nazyvajuć jaho ŭ sacyjalnych sietkach. U Breście arhanizacyjaj zajmajecca druhi sakratar haradskoha kamiteta BRSM Piatro Picko.
Jon źjaŭlajecca adnym z čatyroch maderataraŭ admysłovaj supołki Ukantakcie, a taksama robić reposty, dzie sprabuje znajści dužych chłopcaŭ dla «zabieśpiačeńnia šeścia». My spytalisia ŭ Piatra Picko, čamu jon udzielničaje ŭ arhanizacyi «Nieśmiarotnaha pałka».
«Heta maja piersanalnaja pazicyja, a nie BRSM. Ja nie daju ad imia BRSM nijakich kamientaroŭ. Abodva maje dziady — Bałajeŭ Pietr Ivanavič i Picko Vasilij Ryhoravič — vajavali, atrymali ranieńni, uznaharody. Ja liču, što maim doŭham źjaŭlajecca takim čynam ušanavać ich pamiać. Ja nie baču ŭ hetym ničoha haniebnaha i kiepskaha, u tym, što ja vyjdu.
I z pazicyjaj niekatorych našych uščerbnych vydańniaŭ, jakija sprabujuć pradstavić narodnaje volevyjaŭleńnie, jak «marš mierćviakoŭ ci niekrafiłaŭ», ja kateharyčna nie zhodny. Liču heta prosta hłumleńniem», — kaža Picko.
My spytali, ci nie ličyć jon niapravilnym, što biełaruskaja ŭłada, u adroźnieńnie ad rasijskaj, nijakim čynam nie biare ŭdzieł u «Nieśmiarotnym pałku».
«Ja hetaha nie viedaju ničoha, nie saču. Sprava kožnaha — udzielničać ci nie. Heta dobraachvotnaje vyjaŭleńnie kožnaha asobna ŭziataha čałavieka. Kali niechta choča, to niachaj idzie, kali nie choča, to nie idzie. Ja nie skažu, što baču ŭ šerahach «Nieśmiarotnaha pałka» poŭnuju adsutnaść čynoŭnikaŭ», — zajaviŭ Piatro.
Niekatoryja miarkujuć, što praz takija prapahandysckija akcyi, jak «Nieśmiarotny połk» prachodzić prapahanda «ruskaha śvietu».
«Jaki ruski śviet? Adzin moj dzied mardvin, druhi — ukrainiec z Haliččyny. Kali ja niasu partrety ich, ja što, zaličvaju siabie ŭ šerahi «ruskaha śvietu»? Bolšaha hłupstva i čuć nie davodziłasia», — adkazaŭ mužčyna.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii11
Kamientary