Padčas razhladu ŭ Viarchoŭnym sudzie apielacyi Alaksandra Žylnikava i Viačasłava Sucharko, jakija atrymali śmiarotny prysud za zabojstva troch čałaviek, stała viadoma ab vykanańni prysudu ŭ dačynieńni da dvuch inšych śmiarotnikaŭ, pieradaje TUT.BY.
Padčas pracesu Viačasłaŭ Sucharko raspavioŭ, što pravioŭ u kamiery śmiarotnikaŭ čatyry miesiacy.
«Ja siadzieŭ u kamiery śmiarotnikaŭ, u jakich prysud užo ŭstupiŭ u siłu. Z 15 na 16 traŭnia zabrali z kamiery Michaleniu i Letava», — raspavioŭ Viačasłaŭ Sucharko.
Pa tradycyi, ułady Biełarusi nie paviedamlajuć ab vykanańni śmiarotnych prysudaŭ. Pra heta ŭdajecca daznacca tolki z pakazańniaŭ inšych śmiarotnikaŭ albo ad pravaabaroncaŭ, jakija kantaktujuć z rodnymi asudžanych.
33-hadovy Alaksiej Michalenia byŭ pryhavorany da pakarańnia śmierciu za zabojstva dvuch susiedziaŭ-piensijanieraŭ. Zabojstva adbyłosia ŭ sakaviku 2016 hoda ŭ Naroŭli: u dvary pryvatnaha doma znajšli 59-hadovaha piensijaniera, a ŭ sklepie — jaho 61-hadovuju siastru. Abvinavačany raniej byŭ sudzimy za kradziež i zabojstva ŭ padletkavym uzroście.
Pra prysud 31-hadovamu Viktaru Letavu, pra jaki stała viadoma ad pravaabaroncaŭ, raskazaŭ pieršy namieśnik staršyni Viarchoŭnaha suda Biełarusi Valeryj Kalinkovič. Pavodle jaho słoŭ, jon byŭ vyniesieny vosieńniu 2017 hoda, złačynstva adbyłosia ŭ VK-13 u Hłybokim.
«Nichto hetaha śmiarotnika nie chavaŭ. Sprava razhladałasia ŭ adkrytym režymie, infarmacyja pra heta drukavałasia ŭ adkrytym dostupie. Na žal, čałaviek ździejśniŭ užo treciaje zabojstva ŭ svaim žyćci, adbyvajučy pakarańnie za zabojstva», — raspavioŭ Kalinkovič.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary